Кʹе Дьлрʹәʹм ә, Бәхтәwар ә

1. Хwәдайе мә гәләк рʹәʹм ә,

Пе кьред хwә әʹйан дькә.

Кö тʹьме бо мә хәм дькә

У гöне мә дьбахшинә.

Әw пьшта хwә wе нәдә мә,

Чьмки әw qәнщ ә у рʹаст ә.

Әм сьст ьн әw мә фәʹм дькә,

Чьмки әw гәләк дьлрʹәʹм ә.

2. Чахе гöне гьран дькьн,

Әм гәләки дьлтәнг дьбьн.

Ле бо мә рʹе вәкьр Иса,

Хwәде дьбахшинә диса:

«Баво, әм дöа тә дькьн

Шашйед хwә әм тʹобә дькьн».

Әме һәвдö бьбахшиньн,

У öса әʹдлайе хwәй кьн.

3. Гава рʹәʹмтийе әм кʹьфш дькьн,

Әм кʹара хwә qәт нагәрʹьн.

Әм хушк-бьред хwә һʹьз дькьн,

Дьхwазьн дьле wан ша кьн.

Хwәде кьред мә дьвинә,

Wе әʹсәйи мә хәлат кә.

Кʹе дьлрʹәʹм ә бәхтәwар ә,

Бәр Хwәде гәләк qимәт ә.