ДӘРС 2

Хәбәрдана Тʹәбйәти

(2 Корьнтʹи 2:17)

ФЬКЬРЕД СӘРӘКӘ: Тʹәбйәти у жь дьл ӧса хәбәр дә, кӧ бе кʹьфше ԝәки тӧ бона тʹемайе у гӧһдара дьфькьри.

ӘВЕ ЙӘКЕ ЧАԜА БЬКЬН:

Дӧа кә у рʹьнд хԝә һазьр кә. Дӧа бькә кӧ Хԝәде али тә бькә, ԝәки рʹьнд дина хԝә бьди әԝе әʹламәтийе кӧ дәрбаз дьки. Бира хԝәда хԝәй кә әԝ фькьред сәрәкә, йед кӧ тӧ гәрәке дәрбаз ки. Бь гьлийе хԝә фькьра дәрбаз кә; нәлазьм ә ԝәки тӧ һьнә гьли-готьна йан хәбәра жь әʹдәбйәта бьԝәкʹьлини.

Һәрге тӧ дьхԝази жь Кʹьтеба Пироз йан жь әʹдәбйәтәкә дьн тьштәки бьхуни, пешда рʹьнд хԝә һʹазьр кә ԝәки хәбәрдана тә баш бә. Һәрге тӧ гьлийе һьнә мәрьва дьхуни, бь емосийа бьхунә, ле һәмьки әв гәрәке әʹщеб нәйе кʹьфше.
Жь дьл хәбәр дә. Бьфькьрә, кӧ чьма гӧһдаред тәрʹа лазьм ә әве әʹламәтийе бьбьһен. Дина хԝә бьдә гӧһдара. Һьнге щурʹе хәбәрдана тә, хԝәгьртьн у бәшәра тә, ԝе әʹйан кә һәвалһʹьзи у дьлрʹәмийа тә.

Хәбәрдана тә бьра тʹәбйәти у лайиԛ бә. Әʹламәтийа рʹаст дәрбаз кә у бьдә хәбате гьли у граматика рʹаст.
Гӧһдара бьньһерʹә. Һәрге лайиԛи мьһала ԝә йә ль чʹәʹве ԝан бьньһерʹә. Чахе тӧ готара хԝә дьбежи, ԝе баш бә щар-щара дина хԝә бьди сәр мәрьвәки.