ДӘРС 16

Ԛәԝи кә у Һелан кә

(Ибо 16:5)

ФЬКЬРЕД СӘРӘКӘ: Дина гӧһдара бьдә нә ль сәр проблема, ле сәр сафикьрьна ԝан. Тьштед ӧса бежә, чь кӧ ԝе ԝана һелан кә.

Ньһерʹандьна позитив щәм гӧһдаред хԝә пешда бинә. Баԝәр бә, кӧ хушк-бьра дьхԝазьн дьле Йаһоԝа ша кьн. Һәла һьнге жи гава тӧ гәрәке ширәте бьди, пешийе бь дьл пʹайе ԝан бьдә һәрге дьбә.

Бьра һʹьзкьрьн, нә кӧ сәртбун, тә һелан кә сафи ки чь бежи. Бьра бәшәра тә хԝәш бә, чьмки ӧса гӧһдар ԝе бьвиньн, кӧ тӧ ԝана фәʹм дьки у әԝана ԝе итʹбарийа хԝә тә биньн.
Информасийона дәрһәԛа тьштед нәбаш, кем бьдә хәбате. Һәрге тʹема хԝәда тӧ дьхԝази дәрһәԛа һьнә тьшт йан ԛәԝьмандьнен нәбаш бежи, ԝе баш бә һьнге бежи, чахе бь рʹасти лазьм ә йан тьштәки тӧ гәрәке избат ки. Тʹема тә гәрәке бь тʹәмами тьштед позитив мәрийарʹа бьдә кʹьфше.
Хәбәра Хԝәде рʹьнд бьдә хәбате. Дина гӧһдара бьдә ԝе йәке, кӧ Йаһоԝа ида чь кьрийә, чь дькә, у ԝе чь бькә бона инсанәте. Гӧһдаред хԝә ԛәԝи кә у һелан кә.