МИНА ИСА БЬЖИН
Итʹбарийа Хԝә Йаһоԝа Бинә Гава Ԛәрфед Хԝә Тә Дькьн
Гава ԛәрфед хԝә мә дькьн, әв йәк дькарә ча физики ӧса жи емосийалида мә дьлтәнг кә. Чахе мәрьв мьԛабьли һʹәбандьна мә дәртен у әм ԝана дьтьрсьн, ви чахи әв йәк дькарә һәла һе рʹӧһʹанида жи зийане бьдә мә. Ле әм чаԝа дькарьн хԝә жь ԛәрфед мәрьва бьпарезьн?
Гәләк Шәʹдед Йаһоԝа чәтьнайед ӧса алт дькьн, гава бь тʹәмами итʹбарийа хԝә Йаһоԝа тиньн (Зб. 18:17). Мәсәлә, Әстәре нета Һаманә хьраб әшкәрә кьр (Әс. 7:1-6). Пешийа ԝе йәке, әԝе итʹбарийа хԝә Йаһоԝа ани у рʹожи гьрт (Әс. 4:14-16). Йаһоԝа кьред ԝе кʹәрәм кьру әԝ у щьмәʹта ԝе хьлаз кьр.
Щаһьлно, гава ԛәрфед хԝә ԝә дькьн, жь Йаһоԝа аликʹарийе бьхԝазьн у дәрһәԛа ве йәке тʹәви кәсед щерʹьбанди хәбәр дьн, мәсәлә тʹәви де-баве хԝә. Һун дькарьн баԝәр бьн, кӧ Йаһоԝа ԝе али ԝә бькә, чаԝа кӧ Әԝи али Әстәре кьр. Һун диса чь дькарьн бькьн, ԝәки чәтьнайед ӧса алт кьн?
БЬНЬҺЕРʹЬН ВИДЕО ӘʹМЬРЕ ЩАҺЬЛА—ӘЗ ЧЬ БЬКЬМ ГАВА ԚӘРФЕД ХԜӘ МЬН ДЬКЬН? У ПАШЕ ЩАБА ԜАН ПЬРСА БЬДЬН:
Щаһьл жь мәсәла Чарли у Ферин чь дькарьн һин бьн?
Де-бав жь щабед Чарли у Ферин чь дькарьн һин бьн, ԝәки али зарʹед хԝә бькьн, гава ԛәрфед хԝә ԝана дькьн?