Кани бона Бәрнама Щьвине, Бьжин у Хьзмәт кьн
6-12 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 36-37
«Бина Хԝә Хьраба Тәнг Нәкә»
(Зәбур 36:1-4)
1 Нәһәԛи чь кӧ әʹмьри нәпʹака дькә, әв йәк әʹйан ә дьле мьнва: Хофа Хԝәде тʹӧнә ль бәр чʹәʹве ԝан, 2 чьмки һʹьләкʹарийе ль бәр чʹәʹве хԝә дькьн, кӧ нәһәԛийа ԝан әʹйан нәбә у жь бәр чʹәʹва нәкʹәвьн. 3 Хәбәред дәве ԝан нәһәԛ у дәрәԝ ьн, фәʹме ԝан тʹӧнә кӧ ԛәнщийе бькьн. 4 Ньвинед хԝәда шеԝьра нәһәԛийе дькьн у сәр рʹийед нәԛәнщ әԝ дьсәкьньн, жь хьрабийе жи әԝ зьвер набьн.
(Зәбур 37:1)
1 Бина хԝә хьраба тәнг нәкә, һʹәвсудийе беола нәкә.
(Зәбур 37:7, 8)
7 Ль бәр Хӧдан бәрбьһер бә у һивийа Ԝи бә, бина хԝә ԝи мәрьви тәнг нәкә кӧ жерʹа ль һәв те у ԝи мәрьве кӧ дьгьһижә мәрәме хьраб. 8 Һерс нәкʹәвә, нәԛьлԛьлә, бинтәнг нәбә кӧ хьрабийе бьки.
(Зәбур 37:10, 11)
10 Бәле һьнәки шунда нәпʹаке бәтавәбә, те ль щийе ԝи бьгәрʹи у ԝи нәбини. 11 Ле бәле мьлуке әʹрде ԝар бьн, хер-хԝәшийева ԝе хьне бьн у ша бьн.
ԝ03 1/12 13 ¶20
Бьра Йаһоԝа Шабуна Тә бә
20 Һьнге «мьлуке әʹрде ԝар бьн» (Зәбур 37:11а). Ле гәло йед «мьлук» кʹи нә? Хәбәра кӧ һатийә ԝәлгәрʹандьне ча «мьлук», жь кʹока хәбәрәке йә, кʹижан кӧ те һʹәсабе «ньмьзкьрьн, йан шкенандьн». Бәле, мәрьвед мьлук әԝ ьн, йед кӧ һивийа Йаһоԝа нә, ԝәки әԝ һʹәму нәһәԛийед кӧ һьндава ԝанда те кьрьне, бьдә һьлдане. Әԝана «хер-хԝәшийева ԝе хьне бьн у ша бьн» (Зәбур 37:11б). Һәла һе ньһа жи әм щьнәта рʹӧһʹанида, демәк щьвата Мәсиһти йа рʹастда, жь әʹдьлайе ләзәте дьстиньн.
Хьзна Кʹьтеба Пироз
(Зәбур 36:6)
6 Һәԛийа Тә мина чийайе һәри бьльнд ә, ԛьрара Тә мина ава һәрә кʹур ә! Мерьв у һʹәйԝед Тӧ хԝәй дьки, Хӧдано!
it-2 445
Чʹийа
Ԛәԝибун, һәр-һәйити у бьльндайи. Чʹийа бәрамбәри ԛәԝибуне у һәр-һәйитийе дьбьн (Иш. 54:10; Һәб. 3:6; бәрамбәр кә Зб. 46:2). Ләма жи гава зәбурбеж һәԛийа Йаһоԝа бәрамбәри чʹийайед «һәри бьльнд» кьр (Зәб. 36:6), дьԛәԝьмә бь ве йәке әԝи дьхԝәст бьгота, ԝәки һәԛийа Йаһоԝа мина чʹийа щи наләԛә. Йан жи, әԝ йәк кӧ чʹийа бьльнд ьн, дьԛәԝьмә әԝи дьхԝәст бьгота, ԝәки һәԛийа Хԝәде жь һәԛийа мәрьва бьльндтьр ә (Бәрамбәр кә Иш. 55:8, 9). Әʹйанти 16:20-да, дәрһәԛа рʹетьна кʹаса һʹәфта йа хәзәба Хԝәде, ӧса те готьне: «Чʹийа иди нәһатьнә хӧйане». Демәк, һәла һе тьштед кӧ мина чʹийайед бьльнд жи, ԝе нькарьбьн жь хәзәба Хԝәде хьлаз бьн (Бәрамбәр кә Йер. 4:23-26).
13-19 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 38-39
Баре Хԝәсущдаркьрьне жь Стийе Хԝә Бавежьн
(Зәбур 38:3-8)
3 Жь алава һерса Тә, щики мьни сах нәмайә, дәст гӧнәйе мьн, һәстуки мьни рʹьһʹәт нәмайә. 4 Чьмки нәһәԛийед мьн жь сәре мьн бьльндтьр бунә, мина баре гьран әԝ ль сәр мьн гьран бунә. 5 Рʹуйе бефәʹмийа мьнда, бьринед мьн бин кʹәтьне дьрʹьзьн. 6 Дәвәрʹуйа чуйи, ԛӧдумкʹәти, һәр рʹож бь дьле кӧл дьгәрʹьм, 7 чьмки навдьле мьн кӧл-бьринава тʹьжи нә у нав мьнда щики сах нәмайә. 8 Әз һʹалкʹәти у гәләки һʹьнщьрʹи, дькьм зарин жь ахинийа дьле хԝә.
(Зәбур 39:4, 5)
4 «Бежә Хӧдан Тӧ ахьрийа мьн, чьԛас ьн әԝ рʹожед мьн у рʹеԝитийа мьн чәнд рʹож ьн». 5 Ва пе бьһӧста Тә рʹож данә мьн у әʹмьре мьн ль бәр Тә нә тʹӧ тьшт ә. Рʹаст һәр мәрьве дьне кʹәтийә, әԝ тʹам ԝәкә һӧлмәке йә.
(Зәбур 39:12)
12 Йа Хӧдан, Тӧ бьбьһе дӧайе мьн у гӧһ бьдә һеԝарза мьн, Тӧ пьшт нәдә һесьред мьн, әз ль бәр Тә чаԝа рʹеԝи, мина пешийед хԝә мевани.
ԝ02 15/11 20 ¶1-2
Әм Ча Дькарьн Рʹожед Хԝә Бәр Йаһоԝа Бьжмерьн?
РʹОЖЕД әʹмьре мә кьн ьн у дьфьрʹьн. Дәрһәԛа ве йәке кӧ рʹожед әʹмьре мә ча зу дьфьрʹьн, Даԝьд зәбурбеж дӧайе хԝәда Хԝәдерʹа ӧса гот: «Бежә Хӧдан Тӧ ахьрийа мьн, чьԛас ьн әԝ рʹожед мьн у рʹеԝитийа мьн чәнд рʹож ьн. Ва пе бьһӧста Тә рʹож данә мьн у әʹмьре мьн ль бәр Тә нә тʹӧ тьшт ә». Даԝьд дьхԝәст ӧса бьжита, ԝәки һьм пе хәбәрдана хԝә һьм жи пе рʹабун-рʹуньштьна хԝә дьле Хԝәде ша кә. Әԝи заньбу ԝәки бейи Хԝәде әԝ нькарә бьжи, ләма ӧса гот: «Гӧмана мьн ль сәр Тә йә» (Зәб. 39:4, 5, 7). Йаһоԝа гӧһ да ԝи. Әԝи бь рʹасти кьред Даԝьд ԛимәт кьр у бона ве йәке әԝ хәлат кьр.
Иро гәләк мәрьв һәма һәр дәԛәке тьштәкива мьжул ьн, ԝәʹдә жи зу дьфьрʹә, у әԝана дьхԝазьн һәр тьшти перʹа бьгьһиньн. Щарна жь бо ве йәке мәри хәмгин дьбә, һәла ча ԝәʹдә бьвинә, ԝәки перʹа бьгьһинә һәр тьшти бьщерʹьбинә у бькә. Ле гәло әм жи мина Даԝьд хирәт дькьн, ԝәки ӧса бьжин, кӧ ԛәбулкьрьна Хԝәде бьстиньн? Йаһоԝа дина хԝә дьдә мә һәр кәси у мә әʹнәнә дькә. Ибойе хԝәдехоф, йе кӧ ԝәкә 3 600 сал пешда дьжит, заньбу ԝәки Йаһоԝа дьвинә рʹийед ԝи у һʹәму гавед ԝи дьжмерә. Ибо пьрс да, кӧ әԝе ча щаба Хԝәде бьдә, гава Әԝ жь ԝи һʹәсаб бьхԝазә? (Ибо 31:4-6, 14) Бәле, әм дькарьн рʹожед хԝә бәр Хԝәде бьжмерьн, бь ве йәке кӧ ӧса бьжин, ԝәки дьле Хԝәде ша кьн. Бона ве йәке гәрәке әм тьштед рʹӧһʹани дайньн щийе пешьн, гӧрʹа тʹәмийед Хԝәде бькьн, у ԝәʹде хԝә бь билани хәрщ кьн. Ԝәрә әм ван фькьра һур бь һур шеԝьр кьн.
Хьзна Кʹьтеба Пироз
(Зәбур 39:1)
1 Мьн гот: «Әзе мьԛати рʹийа хԝә бьм, кӧ бь зьмане хԝә гӧна нәкьм, гәмәке бавежьмә әз дәве хԝә, һʹәта кӧ нәпʹак ль бәр мьн ә».
20-26 ГӦЛАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 40-41
Чьма Әм Гәрәке Али Мәрьва Бькьн?
(Зәбур 41:1)
1 Хԝәзи ль ԝи кӧ хәм дькә бона йе кʹәсиб, рʹожед тәнгасийеда Хӧдане ԝи хьлаз кә
(Зәбур 41:2-4)
2 Хӧдане ԝи хԝәй кә у әʹмьр бьде, әԝе ль сәр дьне хԝәзьли бә у ԝе нәдә дәсте хԝәстьна нәйар. 3 Хӧдане нәхԝәшийеда щи-ньвина ԝи бе рʹәʹме, жь һʹәму нәхԝәшийа ԛәнщ кә у жь ньвине рʹакә. 4 Мьн гот: «Йа Хӧдан, мьн ԝәрә рʹәʹме, нәфса мьн ԛәнщ кә, чьмки мьн бәр Тә гӧнә кьр».
(Зәбур 41:13)
13 Шькьр Хӧдан Хԝәдейе Исраелрʹа, жь һәр-һәйе һʹәта һʹәта-һʹәтайе. Амин у амин.
(Мәтʹәлок 14:31)
31 Әԝе кӧ кʹәсиб дешинә, әԝ ԛәдьре Хӧльԛдаре ԝи дькʹәвә, ле йе алийе дәсттәнга дькә, әԝ ԛәдьре Хԝәде дьгьрә.
Хьзна Кʹьтеба Пироз
(Зәбур 40:5-10)
5 Гәләк ьн кьрьнед Тә, йа Хӧдан, Хԝәдейе мьн, әԝ кʹәрәмәт у фькьред Тәйә ль сәр мә, тʹӧ һәйин тʹӧнә мина Тә. Мьне әԝ сальх кьрана у бькьра дәнги, ле беһʹәсаб ьн, найенә готьн. 6 Ԛӧрбан у дийари Тә бәгәм нәкьр, Тә гӧһе мьн вәкьр, тʹәвайишәԝат у дийарийа паԛьжбуне Тә нәхԝәстьн. 7 Һьнге мьн гот: «Ва мә әз һатьм, кʹьтеба гӧломаткда бона мьн ньвисар ә. 8 Әз дьхԝазьм хԝәстьна Тә бьԛәдиньм, йа Хԝәде у ва йә һинкьрьна Тә дьле мьнда йә». 9 Мьн нава щьвина гьранда мьзгини да һәԛийа азадкьрьна Тә әʹлам кьр. Ва йә мьн левед хԝә нәдан сәр һәв, йа Хӧдан, Тӧ зани! 10 Мьн һәԛийа Тә дьле хԝәда вәнәшарт, амьнийа Тә у хьлазкьрьна Тә мьн сальх кьр, дьловани у рʹастийа Тә мьн жь щьвина гьран вәнәшарт.
it-2 16
Йаһоԝа
Тʹәмамийа Кʹьтеба Пирозда тʹемәк дәрбаз дьбә, әԝ һәйә избаткьрьна изьна сәрԝертийа Йаһоԝа. Демәк ԛьрара Йаһоԝайә сәрәкә әԝ ә, ԝәки наве хԝә пироз кә. Пирозкьрьн, йане паԛьжкьрьна наве ԝи те һʹәсабе, кӧ әԝ жь беһӧрмәткьрьне бе паԛьжкьрьне. Хенщи ԝе йәке, мәләкед сәр әʹзмана у мәрьвед сәр әʹрде гәрәке наве ԝи пироз һʹәсаб кьн. Әв йәк кӧ әԝана ԛәдьре сәрԝертийа Йаһоԝа дьгьрьн у ԝи ча сәрԝер һʹәсаб дькьн, те һʹәсабе кӧ әԝана бь рʹәзәдьли дьхԝазьн ԝирʹа хьзмәт кьн у бь шабуне ԛьрара ԝи биньн сери, чьмки ԝи һʹәз дькьн. Дӧакьрьна Даԝьд кʹижан кӧ Зәбура 40:5-10-да ньвисар ә, һәма әʹйан дькә ньһерʹандьна ви щурʹәйи у пирозкьрьна наве Хԝәде. (Дина хԝә бьдьне кӧ чаԝа Паԝлосе шанди пʹаред жь ве нәʹме, Ибр. 10:5-10-да сәр Иса Мәсиһ дьдә хәбате.)
27 ГӦЛАНЕ–2 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 42-44
Жь Һинкьрьна Хԝәде бь Тʹәмами Кʹаре Бьстиньн
(Зәбур 42:4, 5)
4 Әв йәк кӧ тен бира мьн, агьр-шәԝат мьн дькʹәвә, чаԝа мьхӧлԛәтерʹа мьн хԝә дьгиһанд, бь ԝанрʹа тʹәвайи бь дәнге әшԛе у шькьрдарийе, кʹома щәжьнева әз дькʹәтьмә Хана Хԝәде. 5 Чьма нав мьнда дькʹьзкʹьзи рʹӧһʹе мьн, чьма нава мьнда нә рʹьһʹәт и? Гӧмана хԝә ль Хԝәде бинә, чьмки әзе диса пәсьне Ԝи бьдьм, хьлазкьре хԝә у Хԝәдейе хԝә.
(Зәбур 42:8)
8 Рʹоже Хӧдан һʹӧба Хԝә дьдә әʹйанкьрьне, шәве жи стьрана Ԝи тʹәви мьн ә, дӧайе мьн жи бәр бь Хԝәдейе әʹмьре мьн ә.
(Зәбур 43:3)
3 Рʹонайи у рʹастийа Хԝә бьшинә, бьра әԝана рʹебәрийа мьн бькьн, мьн бьбьнә чʹийайе Тәйи пироз у Хана Тә.
ԝ06 1/6 9 ¶4
Фькьред Сәрәкә жь Дӧ Зәбура
42:4, 5, 11; 43:3-5. Һәрге жь бо мәʹникә кӧ мәва гьредайи нинә, әм ԝәʹдәлу жь щьвате дур бунә, һьнге биранина мәйә дәрһәԛа хьзмәтийа баш у шабуна тʹәви хушк-бьра, дькарә мә ԛәԝи кә. Һәмьки дәстпекеда әм дьбәкә хԝә тʹәне тʹәхмин кьн у әв һәсте мә дьһа ԛәԝи бә, ле гава әм ԝәʹде хԝәйи хԝәш хьзмәтийеда, биньн бира хԝә, әв йәк ԝе али мә бькә кӧ бир нәкьн, ԝәки Хԝәде сьтʹара мә йә у әм гәрәке итʹбарийа хԝә ԝи биньн.
ԝ12 15/1 15 ¶2
Чаԝа Лекʹолине Һе Һʹәԝас у Керһати кьн
1 ДӦА: Гава пешьн әԝ һәйә дӧакьрьн (Зәб. 42:8). Ле чьрʹа? Әм гәрәке лекʹолина Хәбәра Хԝәде һʹәсаб кьн пʹарәкә һʹәбандьна мә Хԝәдерʹа. Ләма жи, әм гәрәке жь Йаһоԝа һиви кьн кӧ ньһерʹандьна рʹаст у рʹӧһʹе хԝәйи пироз бьдә мә (Луԛа 11:13). Барбара, йа кӧ гәләк ԝәхт мисйонер ә, дьбежә: «Пешийа хԝәндьн у лекʹолина Кʹьтеба Пироз, әз тʹьме дӧа дькьм. Паши ве йәке, әз тʹәхмин дькьм ԝәки Йаһоԝа тʹәви мьн ә у кӧ ԛәбул дькә ве йәке чь кӧ әз дькьм». Дӧайе пешийа лекʹолине һʹьш у дьле мә вәдькә, ԝәки әм бькарьбьн бь тʹәмами хԝарьна рʹӧһʹани ԛәбул кьн, йа кӧ бәр мә йә.
Хьзна Кʹьтеба Пироз
(Зәбур 44:19)
19 Ле Тә әм щийе мьшк у мәʹра һʹьнщьрʹандьн у бь сийа мьрьне әм ньхамтьн.
it-1 1242
Чәԛәл
Кʹьтеба Пирозда әв тәрәԝьл йане кучʹьке бәйани, чәнд щара мәсәлада һәйә. Гава Ибо дәрһәԛа һʹале хԝәйи хьраб шьровәдькьр, ӧса гот: «Әз чәԛәларʹа бум бьра» (Иб. 30:29). Зәбурбеж дәрһәԛа бьндәсткьрьна щьмәʹта Хԝәде у дьԛәԝьмә дәрһәԛа щийе шәрʹ, сәр кʹижане чәԛәл тен сәва кӧ щьнийаза бьхԝьн, (бәрамбәр кә Зәбур 68:23) гот, кӧ әԝи әм ль щийе чәԛәлада кʹӧта кьрьн (Зб. 44:19). Сала 607 Б.Д.М. Бабилоне Оршәлим зәфт кьрьбу у жь бо ве йәке бажарда хәлайикә ӧса гьран дәстпебу, кӧ де һьндава зарʹед хԝә гәләк берʹәʹм бьбун. Йерәмйа берʹәʹмтийа щьмәʹте һәла һе жи һьмбәри чәԛәла кьр, кӧ бона тʹулед хԝә хәм дькьрьн (Лр.Йер. 4:3, 10).
3-9 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 45-47
Кʹьлама Дәрһәԛа Зәԝаща Пʹадше
(Зәбур 45:1)
1 Жь дьле мьн хәбәра ԛәнщ бьлԛ вәдьдә, һьлбәстед мьн әшԛи Пʹадше нә, зьмане мьн мина ԛәләма ньвискʹаре че йә.
(Зәбур 45:13, 14)
13 Дәргистийа Пʹадше әԝ һьндӧрʹва хас у хәԝан ә, кʹьнще ԝе бь тʹеле зерʹ һунанди йә. 14 Хәмьла нәԛьшандива ԝе дьбьнә ль бәр Пʹадше, бәрбук пәй ԝе тʹәв дьчьнә ль бәр Ԝи.
(Зәбур 45:3, 4)
3 Шуре Хԝә ль пьшта Хԝә гьредә, Әʹгито, бь рʹәԝш у рʹумәта Хԝә. 4 Бь ԛәдьре Хԝә пешда һәрʹә, бона рʹасти, мьлуктийе у һәԛийе, сийаро, бьра дәсте Тәйи рʹасте рʹебәрийа Тә бәр бь кьред һʹӧжмәкʹар бькә.
(Зәбур 46:8-11)
8 Ԝәрьн бьбиньн кьред Хӧдан, чь кʹәрәмәт кьр рʹуйе әʹрде. 9 Шәрʹа дьдә сәкьнандьне, һәр чар ԛӧлбед дьнйайе, тир-кәвана дьшкенә, рʹьма һур-һури дькә у мәртʹала бь егьр дьшәԝьтинә. 10 Кәрʹ бьн у бьзаньбьн, Әз ьм Хԝәде, Әзе нав мьләтада бьльнд бьм у ль рʹуйе әʹрде бьльнд бьм. 11 Хӧдане Ордийа тʹәви мә йә, Хԝәдейе Аԛуб кәла мә йә.
ԝ14 15/2 9-10 ¶8-9
Зәԝаща Бәрхрʹа Ша бьн!
8 Бьхунә Зәбур 45:13, 14а. Бона дәʹԝата тʹәви Пʹадша, бук хәмьланди йә. Әʹйанти 21:2-да бука кӧ бона «дәргистийе хԝә» хәмьланди йә, бәрамбәри бажер дьбә, демәк Оршәлима Тʹәзә. Ви бажаре әʹзманида рʹонайа «рʹумәта Хԝәде» мина кәвьре ԛимәт ә, мина кәвьре йаспис, у мина хьрустал (Әʹйан. 21:10, 11). Кʹьтеба Әʹйанти дәрһәԛа бәдәԝбуна Оршәлима Тʹәзә гьли дькә (Әʹйан. 21:18-21). Әʹщебмайи нинә кӧ зәбурбеж дәрһәԛа бука хәмьланди ӧса хәбәр дьдә! Нә дәʹԝата тʹәви Пʹадша ль әʹзменда нә.
9 Бук анин бәр Дәргистийе ԝе, демәк бәр Пʹадше Пʹадшатийа Хԝәде. Әԝ ле һазьр дькә, тʹәмьз дькә у «бь хәбәре» аведа дьшо. Әԝ бук паԛьж у беԛьсур ә (Әфәс. 5:26, 27). Дәргистийа ԝи ӧса жи гәрәке лайиԛи ве ԛәԝьмандьне хԝәкьри бә. У әв йәк һәма ӧса нә! Бь рʹасти жи кʹьнщед ԝе бь зерʹ дьрути йә, у ԝе буке бь кʹьнщед һунанди биньн бәр Пʹадше. Бона зәԝаща тʹәви Бәрх, «кʹьтане бьрԛоки паԛьж жерʹа һатә дайине». Паше диса шьровәдькә: «Әԝ кʹьтан нишана кьрьнед щьмәʹта Хԝәдейә рʹаст ьн» (Әʹйан. 19:8).
it-2 1169
Шәрʹ
Паши ви шәрʹи, сәр әʹрде ԝе һʹәзар сала әʹдьлайи бә. Зәбурбеж дьбежә: «[Йаһоԝа] шәрʹа дьдә сәкьнандьне, һәр чар ԛӧлбед дьнйайе, тир-кәвана дьшкенә, рʹьма һур-һури дькә у мәртʹала бь егьр дьшәԝьтинә». Сәре серида әв гьли һьнге һатьнә сери, гава Хԝәде чʹәкед дьжмьна кʹӧта кьр, у әʹдьлайи ани сәр әʹрде Исраеле. Чахе Иса ԝан мәрьва кʹӧта кә, йед кӧ бьбьнә мәʹнийа дәстпека шәрʹе Һармәгәдоне, ида сәр дьнйайе ԝе бь тʹәмами әʹдьлайи бә (Зб. 46:8-10). Әԝед кӧ «жь шуред хԝә гисьна чекьн у жь рʹьмед хԝә жи мәԛәсед рʹәзвана», у әԝед кӧ «тʹӧ щар ԝе һин нәбьн кӧ шәрʹ кьн» ԝе жийина һʹәта-һʹәтайе бьстиньн. Гәләк мәʹнийед мә һәнә кӧ баԝәрийа хԝә ԝан соза биньн, чьмки әв гьлийе Йаһоԝа, Хԝәдайе ордийа нә (Иш. 2:4; Мх. 4:3, 4).
Хьзна Кʹьтеба Пироз
(Зәбур 45:16)
16 Дәԝса кал-бавед Тәйе әԝләдед Тә бьн, Те ԝан бьки сәрԝер сәр тʹәмамийа әʹрде.
10-16 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 48-50
Де-Бавно—Баԝәрийа Малбәта Хԝә Һьндава Тʹәшкиләта Йаһоԝа Ԛәԝи кьн
(Зәбур 48:12, 13)
12 Дора Сийоне бьзьвьрʹьн у дора ԝе һун бьгьрьн, бьльндщийед ԝе бьжмьрьн, 13 мела ԝә сәр суред ԝе бә, дина хԝә бьдьнә ԛәсьред ԝе, кӧ ньсьле майинрʹа һун сальх кьн,
(Зәбур 48:14)
14 чьмки әв Хԝәдейа Хԝәдейе мә йә һʹәта-һʹәтайе, Әԝе рʹебәре мә бә һәр-һәйе.
ԝ11 15/3 19 ¶5-7
Мәʹнийед Ԝәйә Шабуне Һәнә
«Дора Сийоне бьзьвьрʹьн у дора ԝе һун бьгьрьн, бьльндщийед ԝе бьжмьрьн, мела ԝә сәр суред ԝе бә, дина хԝә бьдьнә ԛәсьред ԝе, кӧ ньсьле майинрʹа һун сальх кьн» (Зәб. 48:12, 13). Ван рʹезада зәбурбеж Исраели һелан дькьрьн, ԝәки бен у Оршәлиме бьвиньн. Бьдьнә бәр чʹәʹве хԝә, ԝан малбәтед Исраели, йед кӧ дьһатьн ви бажаре пироз сәр щәжьнед һәрсали у пʹарьстгәһа ԝийә мәзьн дьдитьн. Бешьк әԝ йәк бира ԝанда дьма. Бәле, ԝана ԝе бьхԝәста «ньсьле майинрʹа» жи дәрһәԛа ве йәке гьли кьрана.
Бьфькьрьн дәрһәԛа жьн-пʹадша Шәбайе, йа кӧ пешийе баԝәр нәдькьр готьнед хәлԛе дәрһәԛа сәрԝертийа Сьлеманә баш у биланийа ԝи. Ле гәло чь ԝе да баԝәркьрьне, ԝәки чь жи әԝе бьһистьбу рʹаст бу? Әԝе гот: «Һʹәта кӧ һатьм у чʹәʹвед мьн ԝан дитьн, әз бь готьна ԝанва баԝәр нәбьбум» (2 Дир. 9:6). Бәле, чь кӧ әм пе чʹәʹве хԝә дьвиньн, дькарә сәр мә гәләк һʹӧкӧм бә.
Де-бав ча дькарьн али зарʹед хԝә бькьн, ԝәки әԝана пе чʹәʹве хԝә бьвиньн кӧ тʹәшкиләта Йаһоԝа ча баш сазкьри йә? Һәрге филиала Шәʹдед Йаһоԝа незики ԝә йә, һәрʹьн сәр екскурсийайе. Менди у Бетани 1 500 километри дури Бәйтʹәла ԝәлате хԝә дьжитьн. Ле де-баве ԝан гәләк щар әԝана дьбьрьнә сәр екскурсийайе. Әԝана гьли дькьн: «Пешийа кӧ әм бьһатана Бәйтʹәле, мә тʹьре ԝедәре тʹәне йед әʹмьрда мәзьн хьзмәт дькьн. Ле чахе әм чунә Бәйтʹәле, мә ԝедәре хушк-бьред щаһьл дитьн, йед кӧ гәләк бона Йаһоԝа дьхәбьтин, у жь ве йәке шабун дьстандьн! Мә дит ԝәки тʹәшкиләта Йаһоԝа сәр щики бьчʹук нинә кʹидәре әм дьжин. У һәр чуйинәкә Бәйтʹәле әм рʹӧһʹанида ԛәԝи дькьрьн». Чахе Менди у Бетани пе чʹәʹве хԝә дитьн, кӧ тʹәшкиләта Йаһоԝа чаԝа дьхәбьтә, ԝана хԝәст бьбьнә пешәнг, у һәла һе жи әԝана ԝәʹдәлу һатьнә тʹәглифкьрьне кӧ Бәйтʹәледа хьзмәт кьн.
ԝ12 15/8 12 ¶5
Мина Бажарванед Пʹадшатийе Бьжин!
5 Лекʹолина тʹәрихийе. Щарна чахе кәсәк дьхԝазә бьбә бажарване фьлан ԝәлати, жь ԝи те дәʹԝакьрьне кӧ тʹәрихийа ԝи ԝәлати бьзаньбә. Мина ве йәке, лазьм ә ԝәки әԝед кӧ дьхԝазьн бьбьнә бажарванед Пʹадшатийа Хԝәде, дәрһәԛа ве Пʹадшатийе бьзаньбьн. Дина хԝә бьдьнә мәсәла кӧрʹед Ԛорах, йед кӧ Исраела бәреда хьзмәт дькьрьн. Ԝана Оршәлим у щийе һʹәбандьне кӧ ԝедәре бу, гәләк һʹәз дькьрьн. Ԝана хԝәш дьһат дәрһәԛа тʹәрихийа ви бажари гьли кьн. Әԝана нә тʹәне һʹәйран-һʹӧжмәкʹар дьман сәр бәдәԝбун у мәзьнбуна ве, ле ӧса жи сәр ве йәке кӧ әԝ бажар у щийе һʹәбандьне чьԛас фәрз бу. Щийе һʹәбандьне йе сәрәкә Оршәлим бу, у әԝ дьһатә һʹәсабе «Бажаре пʹадшайе мәзьн», Йаһоԝа. Ԝедәре щьмәʹт Ԛануна Йаһоԝа һин дьбу. Йаһоԝа һʹәзкьрьна хԝә һьндава ве щьмәʹте дьда кʹьфше, сәр кʹижане Пʹадше Оршәлиме сәрԝерти дькьр. (Бьхунә Зәбур 48:1, 2, 9, 12, 13.) Һун жи дьхԝазьн мина кӧрʹед Ԛорах лекʹолин кьн тʹәрихийа пʹара тʹәшкиләта Йаһоԝайә сәр әʹрде у мәрьварʹа гьли кьн? Чьԛас һе зедә һун дәрһәԛа тʹәшкиләта Йаһоԝа бьзаньбьн у кӧ әԝ ча пьштгьрийа щьмәʹта хԝә дькә, һаԛас Пʹадшатийа Хԝәде ԝе бона ԝә дьһа реали бә. Һьнге ԝе хԝәстьна ԝә кӧ мьзгинийа дәрһәԛа Пʹадшатийе бәла кьн һе мәзьн бә (Йерәм. 9:24; Луԛа 4:43).
Хьзна Кʹьтеба Пироз
(Зәбур 49:6, 7)
6 йе гӧмана ԝи ль сәр ԛәԝата ԝи йә у пе һәбука хԝәйә пʹьрʹ дьфьрʹә? 7 Бәле әԝ һәбук нькарә ԝи хьлаз кә у нә жи бәрделе бәрва бьдә Хԝәде.
it-2 805
Һәбук
Исраели алийе материйалида пешда дьчун, дьхԝарьн, вәдьхԝарьн у жь ве йәке ләзәт дьстандьн (1 Пʹд. 4:20; Ԝз. 5:18, 19). Һәбуке әԝана жь ԝан проблема хԝәй дькьр, йед кӧ жь бо кʹәсиббуне пешда дьһатьн (Мтʹл. 10:15; Ԝз. 7:12). Һәмьки Йаһоԝа дьхԝәст кӧ Исраели бьхәбьтийана у баш бьжитана (бәрамбәр кә Мтʹл. 6:6-11; 20:13; 24:33, 34), ле әԝи ӧса жи ԝанарʹа дәрһәԛа хофийа һәбуке гот. Демәк ԝана дькарьбу Йаһоԝа, Канийа Һәбука хԝә бир кьрана у дәстпекьрана гӧмана хԝә бьдана сәр һәбука хԝә (Ԛн.Дщ. 8:7-17; Зб. 49:6-9; Мтʹл. 11:4; 18:10, 11; Йер. 9:23, 24). Исраелийарʹа тʹьме дьһатә готьне, кӧ һәбук ԝәʹдәлу йә (Мтʹл. 23:4, 5), ԝәки әԝана нькарьн һәбуке ча кʹьрʹин бьдьнә Хԝәде у кәсәки жь мьрьне хьлаз кьн (Зб. 49:6, 7), у ԝәки һәбук бона мьрийа бекер ә (Зб. 49:16, 17; Ԝз. 5:15). Ԝанарʹа дьһатә готьне, кӧ һәрге әԝана һе зедә дина хԝә бьдьнә һәбуке, әв йәк дькарә ԝана бәрбь дәрәԝа у мьхәнәтийе бьвә, жь бо чь жи ԛәбулкьрьна Хԝәде ӧнда кьн (Мтʹл. 28:20; бәрамбәр кә Йер. 5:26-28; 17:9-11). Әԝана ӧса жи дьһатьнә һеланкьрьне, ԝәки «һәбука хԝәва ԛәдьре Хӧдан» бьгьрьн (Мтʹл. 3:9).
17-23 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 51-53
Жь Шашийед Гьран Хԝә Дур Бьгьрә
(Зәбур 51:5)
5 Бәле әзи нәһәԛийева дьне кʹәтьмә әз жь зькмакийеда гӧнәкʹар бумә.
3 Ле тʹәне әз дьтьрсьм, тӧԝәрә чаԝа мәʹр бь фелбазийа хԝә Һеԝа хапанд, ӧса жи әԝ һʹьше ԝә бьчәлԛинә у һун дәсте хԝә жь ширһʹәлали у дьлсахийа хԝәйә һьндава Мәсиһда бькьн.
(Зәбур 51:6)
6 Бәле Тӧ рʹастийе дьле мьнда дьхԝази. Дьле мьн кʹур һини сәрԝахтийе кә.
(Зәбур 51:10-12)
10 Хԝәде, дьләки паԛьж нав мьнда бьәʹфьринә у рʹӧһʹәки рʹаст нав мьнда сәр һәвда бинә. 11 Тӧ мьн жь бәр Хԝә нәвежә у Рʹӧһʹе Хԝәйи Пироз жь мьн нәстинә. 12 Шабуна хьлазкьрьна Хԝә ль мьн вәгәрʹинә у бь рʹӧһʹәки рʹази мьн бьнгәһ кә.
Хьзна Кʹьтеба Пироз
(Зәбур 52:2-4)
2 Зьмане тә хьрабийе дәртинә, мина дузане туж һʹьләкʹарийе дькә. 3 Тӧ хьрабийе һе гәләки һʹьз дьки, нә кӧ ԛәнщийе, һе гәләки дәрәԝийе, нә кӧ рʹаст хәбәрдане. 4 Тӧ һʹьз дьки һәр хәбәред зийанкʹар, һәй зьмане һар у мәʹр.
it-1 644
Доәг
Доәг щәм Шаԝул Пʹадша щийе бьльнд дьгьрт у сәроке шьванед пәзед пʹадша бу (1 См. 21:7; 22:9). Ча те кʹьфше Доәг прозелит бу. Әԝ шәһәре Нобда бәр Йаһоԝа гьрти бу, дьбәкә жь бо созе хԝә, нәпаԛьжбуне йан кʹотибуне. Ләма жи әԝи дит ча Аһимәләк Кʹаһине Мәзьн, нан у ӧса жи шуре Голйатʹ да Даԝьд. Ԝәʹдә шунда, чахе Шаԝул фькьред хԝә дәрһәԛа ԝе йәке, кӧ мьԛабьли ԝи тьштәк те кьрьне, готә хӧламед хԝә, һьнге Доәг гьли кьр әв йәк чь кӧ шәһәре Нобда дитьбу. Шаԝул гази кʹаһине мәзьн у кʹаһинед дьнә жь Нобе кьр, у паше һьнә пьрс да Аһимәләк. Паше әԝи тʹәми да нобәдара кӧ кʹаһина бькӧжьн. Гава нобәдара инкʹар кьрьн ве йәке бькьн, Доәг ль гора фәрмана Шаԝул дәрберʹа 85 кʹаһин кӧштьн. Паши ве зӧлмийе, Доәг бажаре Ноб жи ԝеран кьр, һʹәму бьнәлийед ԝе, мәзьн бьчʹукава гьшк кӧшт, ӧса жи һʹәйԝан (1 См. 22:6-20).
Ль гора пешхәбәра Зәбура 52, Даԝьд дәрһәԛа Доәг дьбежә: «Зьмане тә хьрабийе дәртинә, мина дузане туж һʹьләкʹарийе дькә. Тӧ хьрабийе һе гәләки һʹьз дьки, нә кӧ ԛәнщийе, һе гәләки дәрәԝийе, нә кӧ рʹаст хәбәрдане. Тӧ һʹьз дьки һәр хәбәред зийанкʹар, һәй зьмане һар у мәʹр» (Зб. 52:2-4).
24-30 ҺʹӘЗИРАНЕ
ФЬКЬРЕД ԚИМӘТ ЖЬ ХӘБӘРА ХԜӘДЕ ЗӘБУР 54-56
Йаһоԝа Тʹәви Тә йә
(Зәбур 56:1-4)
1 Мьн ԝәрә рʹәʹме, Хԝәдейо! Мәри зоре ль мьн дькьн, тʹәвайийа рʹоже тәнгасийе дьдьнә мьн. 2 Нәйар тʹәвайийа рʹоже зоре мьн дькьн, чьмки гәләк ьн шәрʹкʹаред мьн! Йе Һәри Жорьн! 3 Гава әз тьрседа мә, әз Тәда гӧман ьм. 4 Пе Хԝәде әзе пәсьне хәбәра Ԝи бьдьм, әз Хԝәдеда гӧман ьм, әз натьрсьм, бәндәйе чь ль мьн бькә?
(Зәбур 56:8)
8 Тӧ дәро-дәрбунед мьн дьжмьри, һесьред мьн Тӧ бькә мәшке Хԝә. Гәло әԝ нә кʹьтеба Тәда нә?
(Зәбур 56:9-13)
9 Нәйаред мьне пашда һәрʹьн, гава әз һәԝара хԝә Тә дайньм. Әз бь ве йәке пе дьһʹәсьм, кӧ Хԝәде тʹәви мьн ә. 10 Пе Хԝәде әзе пәсьне хәбәра Ԝи бьдьм, пе Хӧдан әзе пәсьне хәбәра Ԝи бьдьм. 11 Әз Хԝәдеда гӧман ьм, әз натьрсьм, мәрьве чь ль мьн бькә? 12 Йа Хӧдан, гәрә әз ад-ԛьраред хԝә биньмә сери. Ԛӧрбанед рʹазидарийе бьдьмә Тә. 13 Чьмки нәфса мьн Тә жь мьрьне хьлаз кьр, бәле, ньгед мьн жи жь лькʹӧмандьне, ԝәки әз ль бәр Хԝәде рʹонаийа жийинеда бьгәрʹьм.
36 Чаԝа ньвисар ә: «Бона тә әм һәр рʹож бәр мьрьне нә, мина пәза сәржекьрьне һʹәсаб дьбьн». 37 Ле әм нава ван һʹәму тьштада һе зедә сәрдькʹәвьн, бь сайа әԝи кӧ әм һʹьз кьрьн. 38 Чьмки әз әʹсәйи заньм кӧ нә мьрьн, нә жийин, нә мьлйакʹәт, нә шәхсәк, нә тьштед һазьр, нә тьштед ԝе бен, нә тʹӧ ԛәԝат, 39 нә йед жорьн, нә йед жерьн у нә жи әʹфьринәки майин дькарә һʹьзкьрьна Хԝәде сәр мә сар кә, йа кӧ бь дәсте Хӧдан Мәсиһ Иса
ԝ06 1/8 22 ¶10-11
Билан бә, жь Хԝәде Бьтьрсә
10 Щарәке Даԝьд щи-сьтʹар щәм Акʹиш дьгәрʹийа, йе кӧ пʹадше Гате бу, демәк бажаре Фьльстийа, кʹидәре бәре Голйатʹ дьжит (1 Самуйел 21:10-15). Хӧламед пʹадше тедәрхьстьн кӧ Даԝьд дьжмьне мьләте ԝан ә, у дәрһәԛа ве йәке готьнә Акʹиш. Ле гәло Даԝьд дәрәщәкә ӧса хофда чаԝа хԝә да кʹьфше? Әԝи дӧада дьле хԝә Йаһоԝарʹа вәкьр (Зәбур 56:1-4, 11-13). Рʹаст ә Даԝьд хԝә дәԝса дина дани у рʹәви, ле әԝи заньбу ԝәки бь рʹасти Йаһоԝа әԝ хьлаз кьр, бь ве йәке кӧ щәфе ԝи кʹәрәм кьр. Даԝьд бь тʹәмамийа дьле хԝә итʹбарийа хԝә Йаһоԝа дьани, у бь ве йәке да кʹьфше ԝәки әԝ бь рʹасти жи мәрьвәки хԝәдехоф ә (Зәбур 34:4-6, 9-11).
11 Әм мина Даԝьд дькарьн баԝәрийа хԝә созе Хԝәде биньн, ԝәки әԝ нава проблемед мәда ԝе али мә бькә у бь ве йәке әме бьдьнә кʹьфше, кӧ жь Хԝәде дьтьрсьн. Даԝьд гот: «Рʹийа хԝә бьдә дәсте Хӧдан, гӧмана хԝә бьдә сәр Ԝи у Әԝе бинә сери» (Зәбур 37:5). Әв найе һʹәсабе кӧ әм проблемед хԝә дьдьнә дәсте Йаһоԝа, хԝәха тʹӧ тьшти накьн у һивийе нә, кӧ әԝ дәԝса мә һәр тьшти бькә. Гава Даԝьд Хԝәдерʹа дӧа кьр, пәйрʹа әԝ бе шьхӧл рʹунәньшт, ле алийе хԝәда тьштәк кьр. Даԝьд сәва кӧ проблема сафи кә, фәʹмкʹарийа хԝә у фәрәсәтед хԝәйә физики да хәбате, кʹижан кӧ жь Хԝәде стандьбу. Ле диса жи Даԝьд заньбу, кӧ мәрьв тʹәне пе ԛәԝата хԝә нькарә сәрфьраз бә. Әм жи гәрәке ви щурʹәйи бькьн. Гава әм алийе хԝәда һәр тьшти бькьн, йе майин ида гәрәке бьдьнә дәсте Йаһоԝа. Гәләк щар ӧса дьбә, ԝәки жь мә тʹәне те хԝәстьне кӧ итʹбарийа хԝә Йаһоԝа биньн. Һәма дәрәщед ви щурʹәйида әʹйан дьбә һәләԛәтийа мә тʹәви Хԝәде у кӧ әм жь Хԝәде дьтьрсьн йан на. Әв гьлийед Даԝьдә бь бәрдьли дькарьн мә ԛәԝи кьн: «Сьра Хӧдан жь бо ԝан ә кӧ жь ԝи дьтьрсьн» (Зәбур 25:14).
cl 243 ¶9
Тʹӧ Тьшт Нькарә Мә жь Һʹәзкьрьна Хԝәде Дур хә
9 Йаһоԝа сәбьра мә ԛимәт дькә (Мәтта 24:13). Бир нәкә ԝәки Шәйтʹан дьхԝазә кӧ тӧ пьшта хԝә бьди Йаһоԝа. Һәр щар гава тӧ амьнийа хԝә Йаһоԝарʹа хԝәй дьки, тӧ ӧса щаба ԛәрфкьрьна Шәйтʹан дьди (Мәтʹәлок 27:11). Щарна һеса нинә тәйах ки. Проблемед жь бо сьһʹәт-ԛәԝате, пʹәра, дьлтәнгийе у проблемед дьн дькарьн бона мә бьбьнә щерʹьбандьн. Дьлтәнги дькарә ӧса жи жь бо ве йәке пешда бе, гава зәʹф һивийа тьштәки би (Мәтʹәлок 13:12). Йаһоԝа илаһи дәрәщед ӧсада амьнийа мә ԛимәт дькә. Ләма жи Даԝьд Пʹадша жь Йаһоԝа һиви дькьр кӧ һесьред ԝи ава готи мәшкда хԝәй кә, у бь баԝәрийе зедә кьр: «Әԝ нә кʹьтеба Тәда нә?» (Зәбур 56:8) Бәле, Йаһоԝа бир накә һәр һесьрәкә мә у бәрхԝәкʹәтьна мә, у әԝ амьнийа мә гәләк ԛимәт дькә.
Хьзна Кʹьтеба Пироз
(Зәбур 55:12, 13)
12 Нәйар нинә сәре мьн дькә, мьн сәбьр кьра, йан пәйкʹәтийед мьн йе кӧ хԝә сәр мьнрʹа дьгьрә, мьн хԝә же вәшарта. 13 Ле бәле тӧ һогьре мьн, һәвал у пьсмаме мьн,
it-1 857-858
Пешдатедәрхьстьн, пешдаԚьраркьрьн
Бь нәмамийа Щьһуда Исхәрйоти пʹехәмбәртийа Хԝәде һатә сери, у зәлал бу кӧ Йаһоԝа у Кӧрʹе ԝи Иса дькарьн пешда ахьрийе тедәрхьн (Зб. 41:9; 55:12, 13; 109:8; Кʹр.Шн. 1:16-20). Ле әв найе һʹәсабе, ԝәки Хԝәде пешда ԛьрар кьрьбу, кӧ һәма Щьһуда ԝе нәмамийа Иса бькә. Пʹехәмбәрти дьданә кʹьфше, кӧ йәк жь һәвалед Исайи незик ԝе нәмамийа ԝи бькә, ле нәһатийә готьне кӧ әԝ ԝе кʹи бә. Һәрге Хԝәде пешда ԛьрар кьра, ԝәки Щьһуда ԝе чь бькә, әԝ йәк ԝе мьԛабьли принсипед ԝи буйа. Дәʹԝакьрьна Хԝәде, кʹижан кӧ Паԝлосе шанди ньвиси, ӧса бу: «Дәсте хԝә зу данәйнә сәр йәки бона хьзмәткʹарийа Хӧдан, нә жи тʹәви гӧнед йед майин би. Хԝә паԛьж хԝәй кә» (1 Тим. 5:22; бәрамбәр кә 3:6). Иса бьжартьна 12 шандийада сәрԝахти у билани да кʹьфше, кӧ тʹәмамийа шәве Баве хԝәрʹа дӧа дькьр, у паше дәрһәԛа сафикьрьна хԝә ԝанрʹа гот (Лԛ. 6:12-16). Һәрге Хԝәде ида пешда ԛьрар кьра, ԝәки һәма Щьһуда бьбә нәмаме Иса, әԝе мьԛабьли ве рʹебәри у тʹәмийа хԝә буйа, кӧ мә жоре хԝәнд, демәк әԝе тʹәви гӧнед ԝи буйа.
Бәле, әшкәрә йә кӧ чахе Щьһуда һатә бьжартьне ча шанди, һьнге дьле ԝида нишанед ве йәке, кӧ әԝе бьбә нәмам, тʹӧнә бун. Ле әԝи хԝәха изьн да, ԝәки кʹока «жәʹрдадайи» дьле ԝида мәзьн бә у ԝи бьһʹәрʹьминә, ахьрийа чь жи әԝ бу кӧ әԝи пьшта хԝә да Хԝәде, кʹәтә бәр байе Мире-щьна, дәстпекьр дьзийе у нәмамийе бькә (Ибр. 12:14, 15; Йн. 13:2; Кʹр.Шн. 1:24, 25; Аԛб. 1:14, 15; бьньһерʹә ЩЬҺУДА №4). Ԝәʹдә шунда, Щьһуда жь рʹийа рʹастийе ӧса дур кʹәт, кӧ Иса хԝәха дькарьбу һʹале дьле ԝи бьдита у пʹехәмбәрти бькьра, ԝәки әԝе нәмамийа ԝи бькә (Йн. 13:10, 11).