ХӘБӘРДАНЕ ДӘСТПЕКЬН
ДӘРСА 4
Мьлуктийе Бьдьнә Кʹьфше
Принсип: «Бь мьлуктийе һәвале хԝә сәр хԝәрʹа бьгьрә» (Фили. 2:3).
Мәсәла Паԝлос
1. Бьньһерʹьн ВИДЕО, йан жи бьхуньн Кʹаред Шандийа 26:2, 3. Паше ван пьрса шеԝьр кьн:
а. Ԝәʹде хәбәрдана хԝәйә тʹәви Әгрипа Пʹадша, Паԝлос ча мьлукти да кʹьфше?
б. Паԝлос ча дина ԝан кʹьшандә сәр Йаһоԝа у Ньвисаред Пироз, нә кӧ сәр хԝә? (Бьньһерʹьн Кʹаред Шандийа 26:22)
Әм жь Паԝлос Чь Һин Дьбьн?
2. Гава әм бь ԛәдьр у мьлуктийе тʹәви мәрьва хәбәр дьдьн, әв йәк ԝана һелан дькә гӧһ бьдьнә мә.
Чʹәʹв Бьдьнә Паԝлос
3. Бь ԛәдьр хәбәр дьн. Фәсал бьн, кӧ хԝә ӧса нәдьнә кʹьфше, те бежи һун һәр тьшти заньн, ле мәрьве тʹәви кʹижани кӧ хәбәр дьдьн, тьштәки ньзанә. Тʹәви ԝи бь ԛәдьр хәбәр дьн.
4. Бьдьнә кʹьфше, ԝәки чь кӧ һун дьбежьн, сәр һʹиме Кʹьтеба Пироз ә. Хәбәра Хԝәде дьле мәрьва дьгьрә у сәр фькьр у һәстед ԝан һʹӧкӧм дькә. Гава әм Кʹьтеба Пироз дьдьнә хәбате, әм баԝәрийа ԝан сәр һʹиме рʹаст ава дькьн.
5. Рʹьһʹәтийе хԝәй кьн. Тʹәви мәрьва нәкʹәвьнә дәʹԝе, ԝәки избат кьн кӧ һун рʹаст ьн. Һуне мьлуктийе бьдьнә кʹьфше, һәрге рʹьһʹәтийе хԝәй кьн у ԝәʹдәда жь ԝедәре һәрʹьн (Мәтʹлк. 17:14; Тито 3:2). Щаба нәрм ԝе мәщале бьдә, ԝәки мәрьв щарәкә дьн жи бьхԝазә гӧһ бьдә мә.