Дьлован бьн

Мәсәла Иса

ВИДЕО: Иса Мәрьвәки Кор Ԛәнщ Дькә

1. Бьньһерʹьн ВИДЕО, йан жи бьхуньн Йуһʹәнна 9:1-7. Паше ван пьрса шеԝьр кьн:

1. а. Пешийе Иса чь кьр, мәрьве кор ԛәнщ кьр йан жерʹа дәрһәԛа мьзгинийа хере гот? (Бьньһерʹьн Йуһʹәнна 9:35-38)

2. б. Ча һун дьфькьрьн, әԝ мер чьрʹа һазьр бу гӧһ бьдә Иса?

Әм жь Иса Чь Һин Дьбьн?

2. Мәрьв ԝе һе зедә бьхԝазә гӧһ бьдә мә, һәрге әԝ тедәрхә, ԝәки әм бона ԝи хәм дькьн у һьндава ԝида дьлован ьн.

Чʹәʹв Бьдьнә Иса

3. Һәстед мәрьв һьлдьн һʹәсаб. Бьфькьрьн кӧ әԝ мәрьв ча хԝә тʹәхмин дькә.

1. а. Пьрсе бьдьнә хԝә: «Гәло дәрде ԝи чь йә? Гәло чь дькарә али ԝи бькә?» Һәрге һун ӧса бькьн, әв йәк ԝе али ԝә бькә дьлованийе бьдьнә кʹьфше.

2. б. Гӧһ бьдьнә мәрьв у бьдьнә кʹьфше кӧ һун дькʹәвьнә һʹәйра ԝи. Хәбәрдане нәгӧһезьн гава әԝ бона тьштәки бәр хԝә дькʹәвә, йан жи бәʹса проблемәкә хԝә дькә.

4. Бь ԛәдьр у дьловани хәбәр дьн. Дьлованийа ԝә һьндава мәрьв ԝе бьдә кʹьфше, ԝәки һун бь рʹасти дьхԝазьн али ԝи бькьн, у әв йәк ԝе бь щурʹе хәбәрдана ԝә әʹйан бә. Мьԛати гьлийед хԝә бьн кӧ һун чь дьбежьн у чаԝа дьбежьн у тьштед ӧса нәбежьн, чь кӧ дькарә ԝи бьдә хәйдандьне.

5. Аликʹарийе бьдьн. Мәщала бьгәрʹьн, ԝәки али мәрьв бькьн. Һәрге һун һʹәйф у дьлован бьн, мәрьв ԝе бьхԝазә тʹәви ԝә бькʹәвә хәбәрдане.