Бь Тʹәбийәти Хәбәр дьн

Мәсәла Филипо

ВИДЕО: Филипо Шәʹдәтийе Дьдә Ԝәзирәки Әтйопи

1. Бьньһерʹьн ВИДЕО, йан жи бьхуньн Кʹаред Шандийа 8:30, 31. Паше ван пьрса шеԝьр кьн:

1. а. Филипо ча хәбәрдан дәстпекьр?

2. б. Чьрʹа әв щурʹе дәстпекьрьна хәбәрдане тʹәбийәти бу у ча бь сайа ве йәке ԝәзире Әтйопи тьштәки тʹәзә пеһʹәсийа?

Әм жь Филипо Чь Һин Дьбьн?

2. Һәрге әм бьһельн ԝәки хәбәрдан бь тʹәбийәти бәрдәԝам бә, дьбәкә мәрьврʹа дьһа һеса бә тʹәви мә бькʹәвә хәбәрдане у гӧһ бьдә мә.

Чʹәʹв Бьдьнә Филипо

3. Дина ԝә сәр һәр тьшти бә. Һун дькарьн дәрһәԛа ви мәрьви гәләк тьшт пебьһʹәсьн, һәрге дина хԝә бьдьнә жест у реаксийа сьфәте ԝи у щурʹе хәбәрдана ԝи. Гәло те кʹьфше кӧ әԝ дьхԝазә тʹәви ԝә хәбәр дә? Һун дькарьн пьрсәкә һеса сәр һʹиме Кʹьтеба Пироз бьдьнә ԝи, мәсәлә «Тә заньбу, ԝәки . . . ?» Дәсте зоре тʹәви ԝи мәрьви нәкʹәвьнә хәбәрдане, йе кӧ нахԝазә хәбәр дә.

4. Сәбьре бьдьнә кʹьфше. Нәфькьрьн ԝәки һун гәрәке дәрберʹа дәрһәԛа рʹастийа Кʹьтеба Пироз тʹәви мәрьв хәбәр дьн. Гава мәщал вәбә ԝәки бь тʹәбийәти ве йәке бькьн, ԝи чахи һун ида дькарьн дәрһәԛа Кʹьтеба Пироз хәбәр дьн. Щара дьԛәԝьмә ԝәʹде сәрледана дӧда мәщал бона ве йәке вәбә.

5. Бона һәр дәрәща һазьр бьн. Дьԛәԝьмә мәрьв дәстпекә дәрһәԛа тьштәки ӧса хәбәр дә, кӧ һун нә жи һивийе бун. Ләма жи һазьр бьн, ԝәки дәрһәԛа ван тьшта тʹәви ԝи хәбәр дьн, чь кӧ ԝирʹа фәрз ә, нә кӧ чь ԝә һазьр кьрийә ԝәки жерʹа бежьн.