ДӘРС 10

Гӧһастьна Дәнг

(Мәтта 10:27)

ФЬКЬРЕД СӘРӘКӘ: Фькьр у емосийа зәлал бьдә кʹьфше бь гӧһастьна бьльндбун у ньмьзбуна дәнге хԝә, ӧса жи ль гора дәрәща у ләзийе, дәнге хԝә бьгӧһезә.

ӘВЕ ЙӘКЕ ЧАԜА БЬКЬН:

Бьльндбун у ньмьзбуна дәнге хԝә бьгӧһезә. Гава тӧ дьхԝази фькьред сәрәкә бьди кʹьфше у гӧһдаред хԝә һелан ки, ԝәки тьштәки бькьн, һәвәки дәнге хԝә бьльнд кә, у һьнге жи чахе тӧ гьлийе сущдаркьрьне дьхуни. Ле һәрге тӧ гьлийе тьрс у бәрхԝакʹәтьне дьхуни, ԝе баш бә дәнге хԝә һьнәки ньмьз ки.

Нәлазьм ә һәр щар дәнге хԝә бьльнд ки, чьмки гӧһдарарʹа дькарә бе кʹьфше, кӧ тӧ сәр ԝан дьки ԛарә-ԛар. Емосийед хԝә, рʹаст контрол кә, ԝәки дина мәрьва нәчә тʹәне сәр тә.
Ль гора дәрәща, дәнге хԝә бьгӧһезә. Һәрге зьмане ԝәда лайиԛ ә, дькари дәнге хԝә һәвәки бьльнд ки сәва емосийа бьди кʹьфше. Щар-щара әм дькарьн ӧса жи дәнге хԝә һәвәки бьльнд кьн, чахе дәрһәԛа тьштәки мәзьн дьбежьн йан жи дьрежайа тьштәки дьдьнә кʹьфше. Ле чахе тӧ дәрһәԛа дәрд-кӧла хәбәр дьди, һәвәки һеди хәбәр дә.
Ләзийа дәнге хԝә бьгӧһезә. Һәвәки бь ләз хәбәр дә чахе тӧ дәрһәԛа тьштед ә′щьз хәбәр дьди. Ле һәвәки һеди хәбәр дә, чахе дьхԝази тьштәки фәрз бежи.

Фәсал бә, чьмки һәрге тӧ ньшкева дәнге хԝә бьгӧһези мәрьв дькарьн бьтьрсьн. Бь ләз хәбәр нәдә, чьмки ԝе мәрьварʹа чәтьн бә жь тә фәʹм бькьн.