ЧАԜА ЖЬ СТРЕСЕ ДӘРЕН

Чь йә Стрес?

Стрес әв һәйә реаксийа бәдәна тә, чахе тӧ дькʹәви дәрәщед чәтьн. Һьнге һʹьше тә гәләк һормона дьшинә һәр системед бәдәна тә. Әв йәк дьльк ԛайим дьдә кʹӧтане, хун ԛайим дьлизә, пʹьшьк фьрә йан жи тәнг дьбьн у масулкед бәдәне жи тенә гӧһаштьне. Һʹәта тӧ тедәрхи кӧ чь те сәре тә, бәдәна тә ида реаксийа дьдә. Чахе стрес дәрбаз дьбә, һьнге бәдәна тә сәр хԝәда те.

СТРЕСА КЕРҺАТИ У ЙА ХЬРАБ

Стрес әв һәйә реаксийа нормал йа бәдәне, чахе тӧ нькари сәре хԝә жь чәтьнайа дәрхи. Әв реаксийа һʹьшда дәстпедьбә. Стреса керһати али тә дькә дәрберʹа тьштәки бьки. Щарна стрес али мәрийа дькә бьгьһижнә нетед хԝә у тьштәки һе баш бькьн; мәсәлә егзамена баш тʹәсмил кьн, ԛьсәкьрьнәкә баш бьдьн йан жи спортеда сәркʹәвьн.

Ле чь жи һәбә стреса кӧ дьреж дькʹьшинә дькарә зийане бьдә бәдәна тә. Чахе бәдәна тә тʹьме стреседа нә, жь бо ве йәке тӧ дькари алийе физикида у емосийалида бьчәрчьри. Һьнге хәйсәте мәрьв жи те гӧһастьне. Щарна ӧса дьбә кӧ мәрьв дәстпедькә гәләк ичʹке вәхԝә у наркотике бьдә хәбате, ԝәки стреса хԝә сьвьк кә. Стрес ӧса жи дькарә мәрьва бькә депресийе, һʹал бехә у мәрьв бьхԝазьн хԝә бькӧжьн.

Рʹаст ә стрес сәр һʹәмуйа мина һәв һʹӧкӧм набә, ле әв дькарә гәләк нәхԝашийа пешда бинә. У әв дькарә сәр тʹәмамийа бәдәне һʹӧкӧм бә.

ЧЬ ЩУРʹӘЙИ СТРЕС ДЬКАРӘ СӘР БӘДӘНЕ Һ′ӦКӦМ БӘ

Систәма дәмар.

Система дәмар, демәк йа нерва, һормонед ӧса ча адреналин у кортизол пешда тинә. Жь бо ве йәке дьльк зу дьк′ӧтә, т′ансийон у глукоза хуне, бьльнд дьбә. У ләма жи дәрәщед хофда мәрьв дәрбера дәстпедькә тьштәки бькә. Жь бо гәләк стресе,

бәшәра мәрийа хьраб дьбә, әԝ хәмгин дьбьн, дьк′әвьнә депресийе, еш дьк′әвә сәре ԝан у хәва ԝан дьт′әԛьсә

Систәма масулка у скәләте.

Масулкә ӧса чекьри нә, кӧ мерьв жь зийане хԝәй дькьн. Жь бо гәләк стресе,

бәдәна мәрийа дешә, ешед сәри пешда тен, у рьщаф дьк′әвә масулка

Систәма бинкʹьшандьне.

Мәрьв дәстпедькә зу-зу оксижәне бьк′ьшинә. Жь бо гәләк стресе,

мәрьв дәстпедькә бь ләз бина хԝә бьк′ьшинә у щарна жи бина ԝи дьминә у әԝ дьк′әвә паникайе

Систәма гәрʹа хуне.

Дьле мерьв дәстпедькә зу бьк′ӧтә, жь бо чь жи хун р′ьнд нализә. Тамаред хуне фьрәһ йан жи тәнг дьбьн у хуне дьшиньн ԝедәре, к′идәре кӧ бәдәна мерьв һ′әԝщә йә, мәсәлә дьшинә масулка. Жь бо гәләк стресе,

т′ансийона хуна мерьв бьльнд дьбә, тамаред дьл зийане дьстиньн у инфаркт пешда те

Систәма һормона.

Ендокрина һормана, адреналине у кортизоле пешда тинә, чь кӧ али бәдәна мерьв дькә, сәр стресе реаксийа бьдә. Щәгәр хунеда шәкьр бьльнд дькә, жь бо чь жи енержийа мерьв зедә дьбә. Жь бо гәләк стресе,

нәхԝәшийа шәкьр пешда те, имунитет дькʹәвә, нәхԝәши зедә дьбьн, бәшәра мерьв хьраб дьбә у әԝ жар дьбә

Систәма навдьл.

Протсеса мьһʹандьна хԝарьне хьраб дьбә. Жь бо гәләк стресе,

мәʹд һәв дькʹәвә, мәрьв вәдьрʹәшә, нава мәрийа дьчә йан жи ԛәԝс дьбә

Систәма льһәвзедәбуне.

Стрес дькарә сәр хԝәстьнед сексуал у функсийа ве һʹӧкӧм бә. Жь бо гәләк стресе,

импотенсийа пешда те у тсикла кьрасһатьне хьраб дьбә