Ԝәʹде чәтьнайа ԝан ширәта һьлдьн һʹәсаб, ԝәки һәвалтийе хԝәй кьн
ЗӘԜАЩА ХԜӘ ԚӘԜИ КЬН
Зәԝаща хԝә Ԛәԝи кьн
Кʹьтеба Пироз дьбежә: «Дӧ кәс жь кәсәки четьр ьн . . . Гава йәк бькʹәвә, ԝе йе дьн ԝи рʹакә» (Ԝаиз 4:9, 10, ИМ). Жьн-мер гәрәке мина тәйарван у аликʹарчийе ԝи һәвкʹарийе бькьн, нә кӧ һьмбәри һәв дәрен.
Сафи кьн ԝәки һерса хԝәйә жь бо стресе, сәр һәвда нәрʹежьн. Сәр хԝә бьхәбьтьн, ԝәки һьндава һәвда бь сәбьр бьн.
Һәма һʹәфте щарәке тʹәвайи дәрһәԛа чәтьнайед хԝә шеԝьр кьн у бьфькьрьн кӧ ча сафи кьн. Бир нәкьн, ԝәки һун гәрәке проблема алт кьн, нә кӧ һәвалзәԝаще хԝә.
Ԝәʹдә вәԛәтиньн, ԝәки тʹәвайи шьхӧлед ӧса бькьн, кӧ ԝәрʹа шабуне бинә.
Ԝәʹде хԝәйә хԝәш, кӧ ԝә тʹәвайи дәрбаз кьрьбу, биньн бира хԝә, шькьлед дәʹԝата хԝә бьньһерʹьн йан жи шьклед дьн, йед кӧ дьле ԝә бь шабуне тʹьжә дькьн.
«Дьԛәԝьмә жьн-мер һьнә пьрсада һәврʹа ԛайил нибьн, ле диса жи әв йәк найе һʹәсабе ԝәки әԝана нькарьн тʹәвайи шьхӧлкʹарийе бькьн. Жьн-мер дькарьн тʹәвайи тьштәки сафи кьн у паше бьхәбьтьн кӧ әв сафикьрьн пешдачуйи бә у кʹаре бинә» (Деԝид).
ХԜӘ ЛЬ ҺӘВАЛА БЬГЬРЬН
Хԝә ль һәвала бьгьрьн
Сәва кӧ жь һәвала аликʹарийе бьстини, бьфькьрә кӧ ча тӧ хԝәха дькари аликʹарийе бьди ԝан. Гава тӧ кәсед дьн ԛәԝи дьки, тӧ хԝәха жи ԛәԝи дьби.
Рʹоже һәма чәнд һәвалед хԝәрʹа текли бә кӧ пебьһʹәси әԝана ча ньн.
Жь һәвалед хԝә бьпьрсә, һәла әԝана ча проблемед хԝә сафи дькьн, кʹижан кӧ мина йед тә нә.
«Чахе тӧ рʹасти дәрәщед гьран тейи, һәвалед тә дькарьн али тә бькьн кӧ бьзаньби ча сәри жь ԝан чәтьнайа дәрхи. Әԝана дькарьн рʹийа рʹаст нишани тә кьн, мәсәлә биньн бира тә һьнә тьштед кӧ тә заньбу. Һәвал бона тә хәм дькьн у әԝана заньн, ԝәки тӧ жи бона ԝан хәм дьки» (Никол).
ПЬШТГЬРИЙА ЗАРʹЕД ХԜӘ БЬКЬН
Пьштгьрийа зарʹед хԝә бькьн
Кʹьтеба Пироз дьбежә: «Бьһистьнеда сәрхԝә бә, ле хәбәрдан у һерскʹәтьнеда гьран бә» (Аԛуб 1:19). Дьԛәԝьмә зарʹед тәрʹа һеса нинә дәрһәԛа тьрса хԝә у дәрдед дьле хԝә гьли кьн, ле һәрге тӧ бь сәбьр гӧһ бьди ԝан, бь ве йәке тӧйе али ԝан бьки кӧ дьле хԝә тәрʹа вәкьн.
Дәрәщед ӧса чекә кӧ зарʹед тә хԝә рʹьһʹәт тʹәхмин кьн у ԝанарʹа һеса бә хәмед хԝә тәрʹа бежьн. Һьнә зарʹарʹа дьһа һеса йә хәбәр дьн, чахе әԝана хԝә рʹьһʹәт тʹәхмин дькьн. Мәсәлә, чахе пе әʹрәбе дьчьн щики йан ньга дьгәрʹьн, нә кӧ гава малда тʹәви де-бава рʹу бь рʹу рʹуньштьнә.
Һәр тьшти бькә ԝәки зарʹед тә бь зедәйи дәнг-бәʹсед хьраб нәньһерʹьн, чьмки әԝана дькарьн дьлтәнг бьн.
Зарʹед хԝәрʹа бежә кӧ тә чь сафи кьрийә бьки, сәва кӧ малбәта хԝә бьпарези.
Бона дәрәщед хьраб кӧ дькарьн ньшкева бьԛәԝьмьн, пешда сафи кьн кӧ һуне чь бькьн у ве йәке тʹәви зарʹа бьщерʹьбиньн.
«Тʹәви зарʹед хԝә хәбәр дә у мәщале бьдә ԝан кӧ дьле хԝә тәрʹа вәкьн. Дьԛәԝьмә әԝана тьрс, һерс у дәрдед дьле хԝә жь тә вәдьшерьн. Бьра әԝана бьзаньбьн кӧ щәм тә жи һәстед ԝи щурʹәйи пешда тен. Һьм жи ԝанарʹа гьли кә кӧ тӧ чь дьки, ԝәки әв һәст тә зәфт нәкьн» (Бетʹани).