Чьрʹа тӧ гәрәке бәрдәwан ки һе зедә пебьһʹәси дәрһәqа мьзгинийа Хwәде?

1. Һәгәр тӧ бәрдәwан ки һинбуна Кʹьтеба Пироз, тӧйе чь кʹаре бьстини?

Әв һинкьрьнед жь Кʹьтеба Пироз, йед кӧ тӧ ида пеһʹәсийайи, һьлбәт һʹәзкьрьна тә һьндава Хwәде qәwи кьрийә. Ле сәва кӧ ве һʹәзкьрьне һе qәwи ки, лазьм ә диса qәwате бьди хәбате (1 Пәтрус 2:2). Әʹмьре тәйи һʹәта-һʹәтайе тʹәвгьредайә бь ве йәке, һәла тӧйе бәрдәwан ки бь һинбуна Кʹьтеба Пироз незики Хwәде би, йан на. Бьхунә Йуһʹәнна 17:3; Щьһуда 21.

Һәгәр тӧ бәрдәwан ки бьстини занәбуне дәрһәqа Хwәде, баwәрийа тә жи wе qәwи бә. Баwәрбун wе али тә бькә, wәки дьле Хwәде ша бьки (Ибрани 11:1, 6). Әв йәк wе һелана бьдә тә, wәки гӧнед хwә бьди рʹийе хwә у әʹмьре хwә бәрбь башбуне бьгӧһези. Бьхунә Кʹаред Шандийа 3:19.

2. Ча занәбуна тә дәрһәqа Хwәде, дькарә кʹаре мәрийарʹа бинә?

Һьлбәт тӧйе бьхwази мәрийарʹа гьли ки дәрһәqа wе йәке, чь кӧ тӧ һин буйи. Әм гьшк жи шан ә дәрһәqа мьзгинийа Хwәде хәбәр дьн. Wәʹде һинбуна Кʹьтеба Пироз, тӧйе ӧса жи һин би ча Кʹьтеба Пироз бьди хәбате, wәки баwәрийа хwә һьндава Йаһоwа Хwәде у мьзгинийа wи, мәрийарʹа рʹьнд шьровәки. Бьхунә Рʹомайи 10:13-15.

Гәләк мәрийа ида дәстпекьрьн бона мьзгинийа Хwәде һәвалед хwәрʹа йан жи бьра-пьсмамед хwәрʹа гьли кьн. Ле фәсал бә. Дәwса wе йәке кӧ мәрийарʹа бежи, wәки һʹәбандьна wана нәрʹаст ә, һе баш ә wәки wанарʹа дәрһәqа созед Хwәде хәбәр ди. Ӧса жи бьра дь бира тәда бә, wәки ль сәр мәрийа дьһа зәʹф һʹӧкӧм дьбә нә кӧ гьлийед мә, ле шьхӧлед мәйи баш у мәрифәтбуна мә. Бьхунә 2 Тимотʹейо 2:24, 25.

3. Чь мәщал тәрʹа вәдьбә?

Һинбуна Хәбәра Хwәде wе али тә бькә, wәки һәләqәтийа тә тʹәви Йаһоwа Хwәде һе qәwи бә. Бь сайа ве йәке тӧйе бькарьби һе незики wи би. Те бьби пʹара wи, демәк бь рʹастийе жи бьби нәфәре малбәта Хwәде. Бьхунә 2 Корьнтʹи 6:18.

4. Ча тӧ дькари һе пешда һәрʹи?

Һәгәр тӧ бәрдәwан бьки һинбуна Хәбәра Хwәде, тӧйе һин би чаwа qанун у ширәтед Кʹьтеба Пироз бьqәдини (Ибрани 5:13, 14). Жь Шәʹдед Йаһоwа кәсәкирʹа бежә, wәки тʹәви тә һинбуна Кʹьтеба Пироз дәрбаз бә, бь кʹьтеба «Чь һин дькә Кʹьтеба Пироз?». Чьqас һе зәʹф тӧ жь Хәбәра Хwәде һин би, һаqас әʹмьре тә wе һе бәхтәwар бә. Бьхунә Зәбур 1:1-3; 73:27, 28.

Йаһоwа һәйә Хwәдайе бәхтәwарбуне у хwәзьлийе, һʹәму мьзгини у әʹламәтийед баш жь wи тен. Һәгәр тӧ незики щьмәʹта Хwәде би, бь wе йәке те незики Хwәде би (Ибрани 10:24, 25). Һәгәр дь алийе хwәда тӧ һʹәму тьшти бьки, wәки Йаһоwа Хwәде ша бьки, тӧйе әʹмьре һʹәта-һʹәтайе qазанч ки. Бь рʹастийе жи, мәрьв незики Хwәде бә, жь ве четьр тʹӧ тьшт нә һәйә, нә жи wе һәбә. Бьхунә 1 Тимотʹейо 1:11; 6:19.