Рʹазибуна Хԝә Бьдә Кʹьфше бона ԝе йәке, Чь кӧ Йаһоԝа у Иса бона Тә Кьрьнә

Тӧйе ча хԝә тʹәхмин ки, һәрге һәвале тә пʹешкʹешәкә баш у ԛимәт бьдә тә? Бешьк, тӧйе гәләк ша би у бьхԝази рʹазибуна хԝә ԝирʹа бьди кʹьфше. Йаһоԝа у Иса пʹешкʹешәкә лапә ԛимәт данә мә. Гәло әԝ чь пʹешкʹеш ә у әм ча дькарьн бона ԝе пʹешкʹеше рʹазибуна хԝә бьдьнә кʹьфше?

1. Әм ча дькарьн рʹазибуна хԝә Хԝәде у Исарʹа бьдьнә кʹьфше бона ԝе йәке, кӧ ԝана сәва мә чь кьрьнә?

Кʹьтеба Пироз дьбежә «һәр кәсе кӧ [Иса] баԝәр бькә», дькарә һʹәта-һʹәтайе бьжи (Йуһʹәнна 3:16). Чь те һʹәсабе баԝәр бькә? Әм гәрәке нә кӧ тʹәне баԝәрийа хԝә Иса биньн, ле һе зедә тьшт бькьн. Баԝәрийа мә гәрәке ӧса жи бь сафикьрьнед мә у бь шьхӧлед мә бе кʹьфше (Аԛуб 2:17). Чахе әм бь кьред хԝә у хәбәрдана хԝә баԝәрийа хԝә дьдьнә кʹьфше, ӧса әм достийа хԝә тʹәви Иса у Баве ԝи Йаһоԝа, ԛәԝи дькьн (Бьхунә Йуһʹәнна 14:21.)

2. Кʹижан ԛәԝьмандьна мәхсус мәщале дьдә мә, ԝәки рʹазибуна хԝә Йаһоԝа у Исарʹа бьдьнә кʹьфше?

Иса евара пешийа мьрьна хԝә готә шагьртед хԝә, ԝәки әԝана диса чь щурʹәйи дькарьн рʹазибуна хԝә бона кʹьрʹине бьдьнә кʹьфше. Әԝи готә ԝан кӧ тʹәвайи тʹоп бьн бона ԛәԝьмандьнәкә мәхсус, кʹижан кӧ Кʹьтеба Пирозда те навкьрьне «Шива Хӧдан» у ӧса жи әʹйан ә ча Биранина мьрьна Иса (1 Корьнтʹи 11:20). Иса дьхԝәст ԝәки шагьртед ԝи у һʹәму Мәсиһийед рʹаст бир нәкьн, кӧ әԝи бона һʹәмуйа әʹмьре хԝә да. Ләма жи әԝи тʹәми да: «Ве йәке бона биранина мьн бькьн» (Луԛа 22:19). Чахе тӧ дьчи сәр Евара Биранине, пе ԝе йәке тӧ рʹазибуна хԝә дьди кʹьфше бона ве һʹьзкьрьна мәзьн, кʹижан кӧ Иса у Йаһоԝа, һьндава мәда данә кʹьфше.

КʹУР ЛЕКОЛИН КӘ

3. Әм ча дькарьн рʹазибуна хԝә бьдьнә кʹьфше?

Бьдә бәр чʹәʹве хԝә, ԝәки тӧ аведа дьхәньԛи у кәсәк тә хьлаз дькә. Гәло тӧйе ԛәнщийа ԝи мәрьви бир бьки? Йан тӧйе мәщала бьгәрʹи ԝәки рʹазибуна хԝә ԝи мәрьвирʹа бьди кʹьфше?

Бь ԝи щурʹәйи әм жь Йаһоԝа рʹази нә, ԝәки әԝи әʹмьре мә хьлаз кьрийә. Бьхунә 1 Йуһʹәнна 4:8-10, у паше ван пьрса шеԝьр кә:

• Чьрʹа ԛӧрбанбуна Иса пʹешкʹешәкә гәләк ԛимәт ә?

• Тӧ ча хԝә тʹәхмин дьки чахе дьфькьри ԝәки Йаһоԝа у Иса бона тә чь кьрьнә?

Әм ча дькарьн рʹазибуна хԝә бона ве йәке бьдьнә кʹьфше, ԝәки Йаһоԝа у Иса сәва мә чь кьрьн? Бьхунә 2 Корьнтʹи 5:15 у 1 Йуһʹәнна 4:11; 5:3. Паши хԝәндьна ван рʹеза, әве пьрсе шеԝьр кә:

• Ль гора ван рʹеза, әм ча дькарьн рʹазибуна хԝә бьдьнә кʹьфше?

4. Чʹәʹв бьдә Иса

Щурʹәк жи әм ча дькарьн рʹазибуна хԝә бьдьнә кʹьфше әԝ ә, кӧ чʹәʹв бьдьнә Иса. Бьхунә 1 Пәтрус 2:21, у паше әве пьрсе шеԝьр кә:

• Тӧ ча дькари чʹәʹв бьди Иса?

5. Биранина мьрьна Иса дәрбаз кә

Сәва пебьһʹәси Шива Хӧдан щара әʹԝльн ча дәрбаз бу, бьхунә Луԛа 22:14, 19, 20, у паше ван пьрса шеԝьр кә:

• Шива Хӧдан ча дәрбаз бу?

• Нан у шәрав чь тенә һʹәсабе? (Бьньһерʹә рʹезед 19 у 20.)

Иса дьхԝәст ԝәки шагьртед ԝи һәр сал Биранина мьрьна ԝи дәрбаз кьн ԝи ԝәʹдәйи, кʹижан әԝи кʹьфш кьр. Ләма жи Шәʹдед Йаһоԝа һәр сал тʹәвайи тʹоп дьбьн, ԝәки Евара Биранине дәрбаз кьн, чаԝа Иса тʹәми дабу. Сәва һе зедә дәрһәԛа ве щьвина фәрз пебьһʹәси, вехә ВИДЕО, у паше әве пьрсе шеԝьр кә:

ВИДЕО: «Мьрьна Иса, Бира Хԝәда Хԝәй кьн» (1:41)

• Евара Биранине ча дәрбаз дьбә?

Иса Хәбәра Хԝәде һʹьз дькьр, мьзгинийа хере бәла дькьр, у али мәрьва дькьр

ТʹӘМАМКЬРЬН

Әм рʹазибуна хԝә Исарʹа дьдьнә кʹьфше бь ве йәке, кӧ баԝәрийа хԝә ԛӧрбанбуна ԝи тиньн у Евара Биранина мьрьна ԝи дәрбаз дькьн.

Ԝәкʹьландьн

• Чь те һʹәсабе баԝәрийа хԝә Иса биньн?

• Тӧ ча дьхԝази рʹазибуна хԝә Йаһоԝа у Исарʹа бьди кʹьфше бона ве йәке, кӧ ԝана сәва тә чь кьрийә?

• Чьрʹа гәләк фәрз ә ԝәки Биранина мьрьна Иса Мәсиһ дәрбаз кьн?

ҺЕ ЗЕДӘ ПЕБЬҺʹӘСӘ

Фькьрандьна сәр мьрьна Иса мә бәрбь чь һелан дькә?

«Иса бь Бәдәна Хԝә Йаһоԝа Рʹумәт кьр» (9:28)

Һе зедә пебьһʹәсә кӧ баԝәри чь те һʹәсабе у ча әм дькарьн баԝәрийа хԝә бьдьнә кʹьфше?

«Созед Йаһоԝа Баԝәр Бькьн» («Бьрща Ԛәрәԝьлийе», Щотмәһ, 2016)

Пебьһʹәсә кӧ ча әʹмьре кʹӧлфәтәке һатә гӧһастьне, чахе әԝе фәʹм кьр, ԝәки ԛӧрбанбуна Иса бона ԝе чь те һʹәсабе.

«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Тʹәбахе, 2011)

Пебьһʹәсә кӧ чьрʹа нә һʹәму мәрьвед кӧ Биранине дәрбаз дькьн, симбола дьхԝьн.

«Чьрʹа Шәʹдед Йаһоԝа Евара Биранине ӧса Дәрбаз Накьн, Чаԝа Религийед Дьн?» (Готара жь малпәре)