Пʹешкʹеша Хԝәде, Әʹмьр, Ԛимәт кә

Әʹмьре мәда гәләк тьштед баш һәнә, чь кӧ әм дькарьн бькьн у ләзәте бьвиньн. Һәла һьнге жи гава әм рʹасти чәтьнайа тен, әм дькарьн жь әʹмьр ләзәте бьвиньн. Ле әм чь щурʹәйи дькарьн Йаһоԝарʹа бьдьнә кʹьфше, кӧ пʹешкʹеша әʹмьр дьшекьриньн? У мәʹнийа һәрә сәрәкә кʹижан ә, кӧ әм әве пʹешкʹеше ԛимәт кьн?

1. Чьма әм гәрәке жийине ԛимәт кьн?

Әм гәрәке жийине ԛимәт кьн, чьмки әԝ пʹешкʹеш жь Баве мәйи һʹьзкьри Йаһоԝа йә. Әԝ «канийа жийане» йә, чьмки әԝи һʹәму бинбәр әʹфьрандийә (Зәбур 36:9). «Әԝ хԝәха әʹмьр, бине у һәр тьшти дьдә һʹәмуйа» (Кʹаред Шандийа 17:25, 28). Чь кӧ бона жийине лазьм ә, Йаһоԝа дьдә мә. Хенщи ве йәке, Хԝәде ӧса дькә ԝәки әм жь ԝан тьшта ләзәте бьвиньн (Бьхунә Кʹаред Шандийа 14:17.)

2. Әм ча дькарьн Йаһоԝарʹа бьдьнә кʹьфше, кӧ пʹешкʹеша жийине ԛимәт дькьн?

Чахе дийа тә, тәда һʹәмлә дәркʹәт ида һьнгеда Йаһоԝа бона тә хәм дькә. Хьзмәткʹарәки Хԝәде Даԝьд, жь бина бәр Хԝәде ӧса ньвиси: «Һе дь малзарʹока деда чʹәʹвед тә әз дитьм» (Зәбур 139:16). Жийина тә бона Йаһоԝа гәләк ԛимәт ә (Бьхунә Мәтта 10:29-31.) Дьле Йаһоԝа гәләк дешә, чахе мәрьв һʹәмде хԝә жийина кәсәки, йан жи йа хԝә дьбьрʹәa (Дәркʹәтьн 20:13). Мәрьв ӧса жи һьнге дьле Йаһоԝа дешинә, чахе һьм әʹмьре хԝә һьм жи әʹмьре мәрьвед дьн дькә бьн ԛәзийе. Чахе әм жийина хԝә дьпарезьн у ӧса жи әʹмьре мәрьвед дьн ԛимәт дькьн, ӧса әм рʹазибуна хԝә Йаһоԝарʹа дьдьнә кʹьфше бона пʹешкʹеша жийине.

КʹУР ЛЕКОЛИН КӘ

3. Мьԛати сьһʹәт-ԛәԝата хԝә бә

Һʹәму Мәсиһийед ньхӧманди соз данә Хԝәде, ԝәки тʹәмамийа әʹмьре хԝә Хԝәдерʹа хьзмәт кьн. Кʹьтеба Пирозда те готьне, ԝәки әм гәрәке «ԛальбе хԝә» тʹәсмили Хԝәде кьн чаԝа ԛӧрбан, ләма жи әм мьԛати сьһʹәт-ԛәԝата хԝә дьбьн. Бьхунә Рʹомайи 12:1, 2, у паше ван пьрса шеԝьр кә:

• Чь гәрәке тә һелан кә, ԝәки мьԛати сьһʹәт-ԛәԝата хԝә би?

• Тӧ ча дькари әве йәке бьки?

4. Фәсал бә, кӧ кәсәк рʹийе тәда зийане нәстинә

Кʹьтеба Пироз мә һелан дькә, ԝәки хԝә жь кьред хоф дур бьгьрьн. Вехә ВИДЕО ԝәки пебьһʹәси, кӧ чь дькари бьки сәва жийина тә нәкʹәвә бьн ԛәзийе.

ВИДЕО: «Ԛәйде Бехофийе Хԝәй кә» (8:34)

Бьхунә Мәтʹәлок 22:3, у паше шеԝьр кә кӧ чаԝа тӧ у мәрьвед дьн дькарьн бехофийе хԝәй кьн . . .

• малда

• сәр хәбате

• чахе спортева мьжул дьбьн

• ԝәʹде ажотьне

5. Әʹмьре зарʹа нәбуйи ԛимәт кә

Даԝьд гәләк рʹьнд шьровәкьр, кӧ чаԝа Йаһоԝа дькʹәвә һʹәйра жийина зарʹа нәбуйи. Бьхунә Зәбур 139:13-17, у паше әве пьрсе шеԝьр кә:

• Бәр чʹәʹве Йаһоԝа жийин чь чах дәстпедьбә, гава жьн һʹәмлә дәрте, йан чахе зарʹ те буйине?

Ԛанунед Йаһоԝа кӧ Исраелийарʹа һатьбун дайине, һьм де һьм жи зарʹа ԝейә нәбуйи дьпʹарастьн. Бьхунә Дәркʹәтьн 21:22, 23, у паше ван пьрса шеԝьр кә:

• Йаһоԝа ча дьньһерʹи сәр ԝи мәрьви, йе кӧ бе һʹәмде хԝә дьбу сәбәбе мьрьна зарʹа нәбуйи?

• Йаһоԝа ча дьньһерʹи сәр ԝи мәрьви, йе кӧ һʹәмде хԝә әв йәк дькьр?b

• Тӧ дәрһәԛа ньһерʹандьна Йаһоԝайә ӧса, чь дьфькьри?

Вехә ВИДЕО.

ВИДЕО: «Мина Йаһоԝа Жийине Ԛимәт кә» (5:00)

Һәла һе әԝ кʹӧлфәт жи, йа кӧ жийине ԛимәт дькә, дькарә бьфькьрә, ԝәки чʹарә тʹәне әв ә, кӧ зарʹе бәрхԝә бькә. Бьхунә Ишайа 41:10, у паше әве пьрсе шеԝьр кә:

• Һәрге зоре дькьнә сәр кʹӧлфәте, ԝәки зарʹе бәрхԝә бькә, әԝ гәрәке аликʹарийе жь кʹе бьхԝазә у чьрʹа?

ТʹӘМАМКЬРЬН

Кʹьтеба Пироз мә һин дькә, ԝәки һьм жийина хԝә һьм жи жийина мәрьвед дьн һʹьз кьн, ԛимәт кьн у бьпарезьн.

Ԝәкʹьландьн

• Чьрʹа Йаһоԝа жийина бәнда ԛимәт дькә?

• Йаһоԝа чь дьфькьрә дәрһәԛа ԝи мәрьви, йе кӧ һʹәмде хԝә кәсәки дькӧжә?

• Чьрʹа тӧ бона жийине шекьрдар и?

ҺЕ ЗЕДӘ ПЕБЬҺʹӘСӘ

Әм ча дькарьн бона пʹешкʹеша жийине рʹазибуна хԝә Йаһоԝарʹа бьдьнә кʹьфше?

Кʹьлама 141; «Әʹмьр Кʹәрәмәта Мәзьн ә» (2:41)

Щаба ве пьрсе бьвинә: Гәло Хԝәде ԝе бьбахшинә ԝе кʹӧлфәте, йа кӧ зарʹ бәрхԝә кьрийә?

«Кʹьтеба Пироз Чь Дьбежә Дәрһәԛа Зарʹбәркьрьне?» (Готара жь малпәре)

Пебьһʹәсә кӧ ньһерʹандьна Хԝәде дәрһәԛа жийине, ча гәрәке сәр ԝәʹдәдәрбазкьрьна мә һʹӧкӧм бә.

«Ньһерʹандьна Тә Һьндава Спортед Хоф Гәрәке Ча бә?» («Һʹьшйар Бьн!», 8 Щотмәһе, 2000)

Һәрге фькьра хԝәкӧштьне дькʹәвә һʹьше мерьв, әԝ ча дькарә әве фькьре жь сәре хԝә дәрхә? Пебьһʹәсә кӧ Кʹьтеба Пироз ча дькарә ве йәкеда аликʹарийе бьдә.

«Әз Мьрьне Дьхԝазьм; Гәло Кʹьтеба Пироз Дькарә Али Мьн Бькә, Чахе Әз Дьфькьрьм Хԝә Бькӧжьм?» (Готара жь малпәре)