ТʹЕМА ЖЬ РʹУЙЕ ЖУРНАЛЕ | СӘВА ЧЬ ИСА ЧӘРЧЬРИ У МЬР?
Гәло әw йәк бь Рʹастийе Qәwьми?
Бьһаре сала 33 Д.М., Исайе Ньсрәте һатә кöштьне. Wи нәһәq дькьрьн кö йан чь әw мьqабьли сәрwерийе дәрте. Әw бехwәдети кʹöтан у сәр стуна щәфе дардакьрьн. Әw бь щәфа мьр. Ле Хwәде wи жь мьрьне рʹакьр у паши 40 рʹожи, Иса вәгәрʹийа ль әʹзмана.
Әw әʹламәтийа фәрз жь чар кʹьтебед пешьн жь Мьзгини йә, кʹижан öса жи те навкьрьне ча Пәймана Ну. Ле әw тьшт бь рʹастийе qәwьмин? Әw пьрсәкә гәләк фәрз ә. Чьмки һәрге әw тьшт нәqәwьмийә, wәки öса нә баwәрийа Мәсиһийа пʹучʹ ә у баwәрийа һьндава жийина һʹәта-һʹәтайе жи чʹирʹок ә (1 Корьнтʹи 15:14). Алийе дьнва жи һәрге сәрһатийа дәрһәqа Иса рʹасти qәwьмийә, демәк әw йәк ахьрикә гәләк баш wе бинә, у тö жи дькари жь wе йәке кʹаре бьстини. Ләма wәрә әм пебьһʹәсьн әw һʹәму тьшт бь рʹастийе qәwьминә, йан на.
ӘW QӘWЬМАНДЬН ЧЬ НИШАН ДЬКЬН
Сәрһатийа дәрһәqа Иса жь чар кʹьтебед пешьн жь Пәймана Ну әw нә мина чʹирокед нә реали нә. Әw сәрһати гәләк тʹәрбәт һатийә ньвисаре у wе сәрһатийеда әʹламәтийед һур жи һатьнә ньвисаре. Мәсәлә, дь wе сәрһатийеда ньвисар ә навед гәләк щийа, кʹижан кö рʹожа иройин жи дькарьн бьвиньн. Дь wе сәрһатийеда те гьликьрьне бона мәрьвед реали, дәрһәqа кʹижана ньвискʹаред нә мәсиһи хwәха избат дькьн (Луqа 3:1, 2, 23).
Дь qьрʹна йәке у дöдада ньвискʹаред нәмәсиһи жи гьли дькьрьн дәрһәqа Иса.a Иса һәма бь wи щурʹәйи һатә кöштьне, чаwа кö wи чахи Рʹомайа мәрьве сущдар дькöштьн. Кöштьна Иса чаwа ньвисар ә дь чар кʹьтебед пешьн жь Пәймана Нуда тʹәвгьредайи йә тʹәви методед кöштьнед Рʹомайа wәʹде бәре. Хенщи wе йәке, әw qәwьмандьн тʹәвгьредайи йә тʹәви избаткьрьнед кö бь рʹастийе qәwьминә у һәла һе жи дьдьнә кʹьфше шашийед шагьрта (Мәтта 26:56; Луqа 22:24-26; Йуһʹәнна 18:10, 11). Әw һәр тьшт избат дькьн кö әwед Мьзгини ньвисинә, мәрьвнә дьлпʹак бунә у дәрһәqа Иса һʹәму тьшт рʹаст ньвисинә.
ЛЕ ЧЬ ӘМ ДЬКАРЬН БЕЖЬН ДӘРҺӘQА РʹАБУНА ИСА ЖЬ МЬРЬНЕ?
Рʹаст ә гәләк мәрьв баwәр дькьн кö Иса дьжит у мьр, ле һәнә мәрьв дöдьли дьбьн кö әw һатийә сахкьрьне. Сәре серида һәла һе шагьртед Иса жи баwәр нәкьрьн кö әw wәгәрʹийа жийине (Луqа 24:11). Ле, чахе wана паши сахкьрьне Иса дь щурʹә-щурʹә дәрәщада дитьн, әwана ида дöдьли нибун. Мәсәлә, щарәке wәкә 500 мәрьва Исайе сахбуйи дитьн (1 Корьнтʹи 15:6).
Рʹаст ә шагьртед Иса дькарьбун бенә гьртьне у кöштьне, ле wана диса жи бь мерхаси һʹәмуйарʹа гьли дькьрьн дәрһәqа рʹабуна Иса жь мьрьне, һәла һе wанарʹа жи кʹе Иса кöшт (Кʹаред Шандийа 4:1-3, 10, 19, 20; 5:27-32). Һәрге шагьрта сәд сәләфи баwәр нәкьрана кö Иса жь мьрийа рʹабуйә, wана öса бь мерхаси wе гьли нәкьра дәрһәqа wи. Бәле әw йәк кö Иса рʹасти жь мьрьне һатә рʹакьрьне, qәwате дьдә һʹәму Mәсиһийед рʹаст, wәки мерхас бьн бәр чәтьнайа.
Әʹламәтийед жь Пәймана Ну, дәрһәqа мьрьн у рʹабуна Иса жь мьрьне йә, әw әʹламәти избат дькьн кö әw ньвисар рʹаст ьн. Һәрге әм бьхуньн у кʹур дина хwә бьдьнә wан әʹламәтийа, әw йәк wе мә бьдә баwәркьрьне, кö әw qәwьмандьн бь рʹастийе qәwьминә. Баwәрийа тә wе һе qәwи бә, һәрге тö фәʹм бьки чьрʹа әw һәр тьшт qәwьминә. Дәрһәqа wе йәке дь тʹема дьнда wе бе шьровәкьрьне.
a Татсит һатә буйине незики сала 55 Д.М., әwи ньвиси кö «наве [Мәсиһийа] һатийә һьлдане жь наве Мәсиһ йе кö wәʹде һʹöкöмәтийа Тибәриус һатә кöштьне бь дәсте Понтийе Пилато». Дәрһәqа Иса öса жи гьли дькьрьн Светони у Усьве Флавиус (qьрʹна йәкеда); у öса жи Плиние Бьчʹук сәрwере Битенйайе (дәстпебуна qьрʹна дöдада).