Пьрсед Хwәндәвана
Чь йә «бьһе» у «мор», кʹижан кӧ һәр Мәсиһийе рʹункьри жь Хwәде дьстинә? (2 Корн. 1:21, 22).
Бәреда, мора гьровәр бь халийа сор йан бь шьма дькьрьн, сәва кӧ документ qануни кьн
Бьһе: Ль гора фәрһәнгәке, хәбәра Йунани ньвисар ә 2 Корьнтʹи 1:22-да, кʹижан кӧ һатийә wәлгәрʹандьне ча «бьһе», әw «термина qануни у комерси» бу. Әw термин дьһатә һʹәсабе «дайина әʹwльн, дайина пʹарәкә жь һәq, йан пешдайин». Демәк, чахе мәрьв пешда пʹарәкә жь һәq дьдә сәва пәймана гьредайи qануни кә, у сәва пәйман бькʹәвә qәwате. Дәрһәqа рʹункьрийа жи 2 Корьнтʹи 5:1-5-да те готьне, кӧ әwана wе һәqе хwәйи тʹәмам, демәк хәлата хwә бьстиньн, чахе wанрʹа бәдәна рʹӧһʹани бе дайине. Хәлата wан ӧса жи әw ә кӧ әwана wе жийина һʹәтаһʹәтайе бьстиньн (1 Корн. 15:48-54).
Зьмане Йунанийә модернда гьли кӧ незики гьлийе бьһе йә, те хәбьтандьне ча гӧстила нишани. Әw гьли рʹьнд әʹйан дькә рʹункьрийа, демәк йед кӧ wе бь симболик бьбьнә пʹара жьна Мәсиһ (2 Корн. 11:2; Әʹйан. 21:2, 9).
Мор: Бәреда, мор дьһатә хәбьтандьне чаwа qол, сәва һәбука шәхси, qайилбуне, йан пәймане избат кьн. Рʹункьри бь симболик һатьнә «моркьрьне» бь рʹӧһʹе пироз, чаwа һәбуна Хwәде (Әфәс. 1:13, 14). Әw мор йа хьлазийе нинә, чьмки мора хьлазийе әwана wе бьстиньн тʹәне пешийа мьрьне, һәрге амьн бьминьн, йан һьнәки пешийа дәстпебуна тәнгасийа мәзьн (Әфәс. 4:30; Әʹйан. 7:2-4).