Гәло Мәләке Тә Һәйә, кö Тә Хwәй Дькә?

Кʹьтеба Пироз набежә кö мәләке һәр мәрьвәки һәйә, у wи хwәй дькә. Щарәке Иса гот: «Һаш жь хwә һәбьн кö һун жь ван бьчʹука йәки беһöрмәт нәкьн, чьмки әз wәрʹа дьбежьм, кö мьлйакʹәтед wан ль әʹзмана тʹьме рʹуйе Баве мьни әʹзмана дьбиньн» (Мәтта 18:10). Иса нәдьгот кö щәм һәр мәрьвәки һәйә мәләк, ле әwи дьгот кö мәләк дина хwә дьдьнә шагьртед wи. Хьзмәткʹаред рʹаст, жь кьред нәрʹаст у хоф хwә дур дьгьрьн, у хwә накьнә бьн qәзийе бь wе мәʹнийе, кö мәләкед Хwәде wе wана бьпарезьн.

Гәло әв те һʹәсабе кö мәләк али мәрийа накьн? На (Зәбур 91:11). Һьнәк баwәр дькьн wәки Хwәде мәләка мәрийарʹа дьшинә, кö wана бьпарезьн у рʹебәрийе wан бькьн. Кенет дәрһәqа кʹижани кö мә готара пешьнда хәбәр да, ви щурʹәйи баwәр дькә. Әм нькарьн бежьн, кö Кенет нәрʹаст ә. Шәʹдед Йаһоwа гәләк щар дьвиньн избатийа wе йәке, кö чаwа мәләк wәʹде хьзмәте али wан дькьн. Мәләк найенә дитьне, ләма жи әм нькарьн бежьн кö чаwа у чьчах Хwәде wана дьдә хәбате, кö щурʹә-щурʹә дәрәщада али мәрийа бькә. Чь жи һәбә әм гәрәке шькьрдарийа хwә Хwәдайе Һьмзоррʹа бьдьнә кʹьфше, бона wе аликʹарийе кö әw дьдә мә (Колоси 3:15; Аqуб 1:17, 18).