Пьрсед Хwәндәвана

Чьрʹа Шәʹдед Йаһоwа әʹдәбйәтед хwәда Паwлосе шанди кʹәчәл йан жи бь пʹоре серәк дьнәqьшиньн?

Әшкәрә йә кö иро тʹö кәс нькарә рʹастә-рʹаст бежә кö Паwлос йәки ча бу. Шькьл у нәхшед кö әʹдәбйәтед мәда һәнә, бона ве йәке нә, сәва мәрьв бьдьнә бәр чʹәʹве хwә wи кәси йан тьшти. Ле әв шькьл у нәхш нә сәр һʹиме избаткьрьнед археоложи нә.

Ле һәнә һьнә нишан, кö Паwлос йәки ча бу. Мәсәлә, «Бьрща Qәрәwьлийе йа Сийонеда» йа 1 Адаре сала 1902, һатә готьне: «Дәрһәqа Паwлос: . . . Ньвисарәкә кәвьнда йа бь наве ‹Кʹаред Паwлос у Текла›, кʹижан кö һатьбу ньвисаре незики сала 150-да Д.М., те шьровәкьрьне кö Паwлос йәки ча бу, у ча те кʹьфше әw әʹламәти бәлабуйи бу у бь итʹбар бу. Wьра те готьне wәки әw ‹йәки ньмьз, кʹәчәл, ньгед хар, йәки qәwат бу, бьрийед wи дьгьһиштьнә һәв; у дьqәwьмә позе wи дьреж бу›».

Фәрһәнгәкеда дәрһәqа ве ньвисара кәвьн һатийә готьне: «Дьqәwьмә кö ве ньвисареда йа бь наве ‹Кʹаред Паwлос›, һьнә избаткьрьнед тʹәрихи һәнә» («Thе Oxford Dictionary of thе Christian Church», дәрхьстьна сала 1997). Бь рʹастийе ньвисара кәвьн бь наве «Кʹаред Паwлос у Текла» гәләк навдар у qимәт бу паши гәләк qьрʹна жи. Әw йәк те избаткьрьне бь wе йәке, кö 80 манускриптед Йунани йа ве ньвисаре һәнә, у öса жи wәлгәрʹандьна wе сәр зьманед дьн. Демәк, әw нәхш у шькьл кö әм дьдьнә хәбате, сәр һʹиме wан әʹламәтийед кәвьн ьн, кʹижан кö дәрһәqа wи шанди әʹйан дькьн.

Ле бир нәкьн, хенщи ве йәке кö Паwлос йәки ча бу, тьштед һе фәрз һәнә. Һәла һе чахе Паwлос хьзмәт дькьр, һьнә мәрьвед критик шәрʹ авитьнә Паwлос йанчь «әw диндара хwәва бәләнгазәк ә у хәбәрданеда жи йәки пенәбуйи йә» (2 Корн. 10:10). Ле әм гәрәке тʹö щар бир нәкьн, wәки әw бу Мәсиһи, чьмки Иса бь кʹәрәмәт жерʹа әʹйан бу. Әм öса жи дькарьн бьфькьрьн сәр ве йәке кö Паwлос чаwа «һащәтәк» бьжартийе Мәсиһ, чь шьхöл кьр сәва наве [Иса] мәрьварʹа бьдә «наскьрьне» (Кʹар. Шанд. 9:3-5, 15; 22:6-8). Öса жи бьфькьрьн кö әм чьqас кʹаре дькарьн бьстиньн жь кʹьтебед Кʹьтеба Пироз, кʹижан кö Паwлос бь рʹöһʹе Йаһоwайи пироз ньвисинә.

Паwлос тʹö щар хwә qöрʹә нәкьрийә бона кьред хwәйә бәре, чахе әw һе Мәсиһи нибу, у нә жи дәрһәqа хwә гьли кьрийә кö әw рʹува йәки ча бу (Кʹар. Шанд. 26:4, 5; Фили. 3:4-6). Әwи дәрһәqа хwә готийә: «Әз жь шандийа йе һәри паш ьм, кö нә лайиq ьм шанди жи бемә готьне» (1 Корн. 15:9). Паше жи әwи ньвиси: «Бәле әз кö жь нава щьмәʹта Хwәдеда жь йе һәри бьчʹук кемтьр ьм, ле әв кʹәрәм мьнрʹа һатийә дайине, кö нава нәщьһуйада дәwләмәндтийа Мәсиһә нә ль бәр һʹьша даннасин кьм» (Әфәс. 3:8). Әw әʹламәти дәрһәqа wи һе фәрз ә, нә кö әw рʹува йәки ча бу.