Рʹасти Дәрһәԛа Мьрьне

БЬДӘ БӘР ЧʹӘʹВЕ ХԜӘ ԝәки тӧ синәмәкә дәрһәԛа сазбәндәкә навдар дьньһерʹи, кʹижан кӧ гәләк тә хԝәш те. Әв синәм дәрһәԛа жийина ԝе сазбәнде йә, кӧ чаԝа әԝ жь зарʹотийе һин дьбу саз хә у чь щур′әйи хԝә һазьр дькьр. Паше тӧ дьвини, кӧ чаԝа әԝ ида сәр сене дәрдькʹәвә пе мьԛамед хԝә, чаԝа дьчә щурʹә-щурʹә ԝәлата у ль нав тʹәмамийа дьнйайе дьбә йәкә бь нав у дәнг. Ле хьлазийа синәме нишан дькьн, ԝәки әԝ ида әʹмьрда мәзьн ә у дьмьрә.

Әв синәм дьдә кʹьфше әʹмьре мәрьвайә реали. Фьрԛи тʹӧнә мәрьв дәрһәԛа кʹе синәма дәрдьхьн, дьхԝази әв сазбәнд, зандар, йан кәсәки навдар бә, сәрһатийа ԝан ԝәк һәв хьлаз дьбә. Бьдьнә һ′әсабе хԝә, мәрьв ԝе чьԛас пешда бьчуна һәрге кал-пир нәбуна у нәмьрана. Ле йазьх, жийина мә ӧса нинә.

Т′ӧ кәс нькарә жь мьрьне бьр′әвә (Ԝаиз 9:5). Чь жи әм бькьн, йәкә ԛәԝата мә нагьһиже, калбун-пирбуне у мьрьне бьдьнә сәкьнандьне. Мә′нийа мьрьне т′әне калбун-пирбун нинә, ле мәрьв дькарә ӧса жи жь бо ԛәзийе у нәхԝашийа гьран, дәст жь жийина хԝә бәрдә. К′ьтеба Пироз дьбежә ԝәки әм «мина мьже нә, һәԝ дьньһер′и һәйә, һәԝ дьньһер′и т′ӧнә» (Аԛуб 4:14).

Жь бо ве йәке кӧ мәрьв һеса дькарә жийина хԝә ӧнда кә, һьнә мәрьв бь принсипәкә ӧса дьжин «дә иди ‹әм бьхԝьн-вәхԝьн, чьмки әме сьбе бьмьрьн›» (1 Корьнтʹи 15:32). Мәрьв ӧса дьжин чьмки һевийа ԝан тʹӧнә. Чахе тʹӧ дькʹәви дәрәщед чәтьн, дьԛәԝьмә пьрсәкә ӧса щәм тә пешда те: «Һәма әв ә ахьрийа мә?» Ле кʹидәре тӧ дькари щаба ве пьрсе бьвини?

Иро гәләк мәрьв щаба ве пьрсе зандарийеда дьгәрʹьн. Дохдьр у зандар гәләк тьштед ӧса дитьнә, кӧ дькарьн жийина мәрийа һʹәвәки дьреж кьн. У һьнәк жь ԝана бәрдәԝам дькьн леколина бькьн, ԝәки жийине дьреж кьн. Фьрԛи тʹӧнә әԝана ве йәкеда пешда дьчьн йан на, пьрс диса жи дьминә: «Чьма әм кал-пир дьбьн у дьмьрьн? Ԝе бе ԝәʹдә, ԝәки мьрьн бе алткьрьне?» Готаред дьнда әме дәрһәԛа ван пьрса шеԝьр кьн у ӧса жи пебьһʹәсьн щаба пьрсәкә ӧса: «Һәма әв ә ахьрйа мә?»