Пьрсед Хԝәндәвана

Чахе Шәйтʹан готә Һеԝайе, ԝәки әԝ ԝе нәмьрә һәрге бәре дара ԛәнщи у хьраби наскьрьне бьхԝә, гәло әԝи бь ԝан гьлийа дьхԝәст жерʹа бьгота, кӧ рʹӧһʹе нәмьри һәйә, чаԝа кӧ иро баԝәр дькьн?

Ча те кʹьфше, на. Мире-щьна нәготә Һеԝайе, ԝәки һәрге әԝ бәре кӧ Хԝәде ԛәдәхә кьр, бьхԝә, ԝе тʹәне бәдәна ԝе бьмьрә, ле рʹӧһʹе ԝе (иро дьбежьн рʹӧһʹе нәмьри) бәрдәԝам кә щики бьжи. Шәйтʹан пе мәʹр Һеԝайерʹа гот, кӧ һәрге әԝ бәре даре бьхԝә, тʹӧ щар ԝе нәмьрә. Бь ԝан гьлийа әԝи дьхԝәст бьгота, ԝәки әԝе бәрдәԝам кә бьжи пе жийина дьһа баш, хԝә сәри хԝә у бей Хԝәде (Дәстп. 2:17; 3:3-5).

Һәрге әԝ баԝәрийа ԛәлп дәрһәԛа рʹӧһʹе нәмьри, кӧ иро бәлабуйи йә, жь Әдәне нәһат, ле жь кʹӧ һат? Әм сәд сәләфи нькарьн бежьн. Ле әм заньн, ԝәки һʹәму һʹәбандьнед ԛәлп Селаведа рʹожед Нӧһда кʹӧта бун. Һьнге тʹӧ кәсе кӧ тьштед ԛәлп баԝәр дькьр, хьлаз нәбу, чьмки ԝәʹде Селаве тʹәне Нӧһ у нәфәред ԝи хьлаз бун, йед кӧ хьзмәткʹаред рʹаст бун.

Ләма жи те кʹьфше, ԝәки әԝ баԝәрийа ԛәлп дәрһәԛа рʹӧһʹе нәмьри кӧ иро гәләк бәлабуйи йә, паши Селаве пешда һат. Чахе Хԝәде Бабиледа зьман һәвхьстьн, у щьмәʹт «ль сәр тʹәмамийа тʹопа дьне» бәла бу, бешьк ԝана әԝ баԝәрийа ԛәлп дәрһәԛа рʹӧһʹе нәмьри жи, хԝәрʹа бьрьн бәла кьрьн (Дәстп. 11:8, 9). Фьрԛи тʹӧнә әԝ баԝәри кʹәнге пешда һат, йәкә әм заньн ԝәки «баве дәрәԝа», Шәйтʹан Мире-щьна әԝ йәк пешда ани, у ша бу, ԝәки әԝ ньһерʹандьн гәләк бәла бу (Йуһʹн. 8:44).