Бьн сәрԝертийа Хԝәде, һʹәму әʹфрин ԝе әʹдьлайеда бьн

Чьма Әм Һʹәԝще Пʹадшатийа Хԝәде нә?

Дәстпека тʹәрихийа инсанәте, тʹәне Әʹфьрандаре мә, наве кʹижани кӧ Йаһоԝа йә, Сәрԝере тʹәмамийа дьнйайе бу. Һәр тьшт әԝи ль сәр һʹиме һʹьзкьрьне дькьр. Әԝи бона мәрийа маләкә бәдәԝ чекьр кӧ теда бьжин, демәк бахче Едене. Һьм жи Хԝәде гәләк хԝарьн да ԝан. Хенщи ԝе йәке әԝи хәбатәкә ӧса да мәрьвед пешьн, кӧ ԝана ләзәт дьстанд (Дәстпебун 1:28, 29; 2:8, 15). Һәрге мәрьв бьн сәрԝертийа Хԝәдеда бьмана, әԝана ԝе әʹдьлайеда бьжитана.

Адәм бәра ԛәдәхәкьри кӧ Һеԝайе да ԝи, һьлда. — Мәрьвед пешьн нәхԝәстьн кӧ Хԝәде Сәрԝере ԝан бә

Кʹьтеба Пироз әʹйан дькә, ԝәки мәләкәки мьԛабьл, наве кʹижани кӧ ԝәʹдә шунда бу Мире-щьна, изьна Хԝәде кӧ сәрԝертийе бькә, кьрә бьн шьке. Әԝи гот, ԝәки мәрьв ԝе бейи рʹебәри у сәԝертийа Хԝәде дьһа бәхтәԝар бьн. Ле йазьх де-баве мәйи пешьн Адәм у Һеԝа, пәй рʹебәрийа Мире-щьна чун у мьԛабьли Хԝәде рʹабун (Дәстпебун 3:1-6; Әʹйанти 12:9).

Адәм у Һеԝайе нәхԝәстьн кӧ Хԝәде Сәрԝере ԝан бә. Жь бо ве йәке ԝана мала хԝәйә Щьнәте, һевийа жийина һәрһәйи у кʹамьлийа хԝә ӧнда кьрьн (Дәстпебун 3:17-19). Сафикьрьна ԝан ӧса жи һʹӧкӧм бу ль сәр зарʹед ԝан, йед кӧ ԝе ԝанрʹа бьбуна. Кʹьтеба Пироз дьбежә, ԝәки Адәм гӧнә кьр у «гӧнә к′әтә дьне у жь гӧнә жи мьрьн һат» (Рʹомайи 5:12). Гӧнә ахьрикә хьраб пәй хԝә ани у Кʹьтеба Пироз дьбежә, ԝәки гава мәрьв сәрԝертийе сәр мәрьвед дьн дькә, әв тʹәне зийане тинә (Ԝаиз 8:9). Демәк бь гьлийе майин бежьн, сәрԝертийа мәрьва тʹәне проблема пешда тинә.

СӘРԜЕРТИЙА МӘРИЙА ПЕШДА ҺАТ

Нәмруд ԛӧрә сәкьнийә. Мәрьв жи бьрще ава дькьн. — Нәмруд мьԛабьли Йаһоԝа рʹабу

Кʹьтеба Пироз дьбежә кӧ мәрьве пешьн кʹижан кӧ сәрԝерти дькьр, Нәмруд бу. Әԝ мьԛабьли сәрԝертийа Йаһоԝа дәркʹәт. Һена Нәмрудда, мәрьва ԛәԝата хԝә нәрʹаст дьданә хәбате у зийан дьданә мәрийа. Мәсәлә, ԝәкә 3 000 сал пешда, Сьлеман Пʹадша ньвиси: «У әз зьвьрим у һʹәму леданед кӧ дь бьн рʹожеда дьбьн дитьм у а вай, һестьред чʹәвед зәʹмәткʹеша! У йе кӧ хәмрʹәвинийе ль ԝан бькә нинә у жь алийе йед кӧ зӧлме ль ԝан дькьн зордәсти» (Ԝаиз 4:1).

Һʹале мә иро жи һәма ӧса йә. Сала 2009-да, әʹдәбйәтәкә Мьләтед Йәкбуйида һатьбу готьне, кӧ сәрԝертийа хьраб әв һәйә «йәк жь мәʹнийед сәрәкә, кӧ чьма иро тьштед хьраб дьԛәԝьмьн».

ԜӘʹДӘ ГЬҺИШТИЙӘ!

Дьнйа һʹәԝще сәрԝер у сәрԝертийа баш ә. Әв һәма әԝ ә, чь кӧ Әʹфьрандаре мә соз дьдә!

Шькьл: Ахьрийа сәрԝертийа мәрийа. 1. Кʹӧлфәт кʹучʹеда тʹәви зарʹа хԝә рʹуньшти йә. 2. Мере әʹмьрда мәзьн нәхԝашханеда. 3. Әскәр чʹәкед хԝә гьртьнә. 4. Әʹлаләт митинге дькьн. 5. Кʹӧлфәт тʹәви кәчʹа хԝә жь мале дәр сәкьни нә у дьвиньн кӧ ԝана шеландьнә. 6. Шәһәрʹ бь һәԝа ԛьреж тʹьжә буйә. — Сәрԝертийа мәрьвайә пʹьрʹ баш жи, нькарә һʹәму проблемед инсанәте сафи кә

Хԝәде Пʹадшати саз кьрийә, демәк сәрԝерти, кʹижан кӧ ԝе дәԝса һʹәму сәрԝертийед мәрьва бә, у «хԝәха ԝе һ′әта-һ′әтайе бьминә» (Данийел 2:44). Әв һәйә хут әв Пʹадшати дәрһәԛа кʹижани кӧ бь милийона мәрьв дӧа дькьн (Мәтта 6:9, 10). Ле Хԝәде ԝе хԝәха сәрԝертийе нәкә. Әԝи Кәсәк ча Пʹадша кʹьфш кьрийә, кʹижан кӧ ԝәхтәки ча мәрьв дьжит. Гәло әԝ кʹи йә?