Һин бә Wәки дь Хьзмәтеда һе Щер′ьбанди би​—Дькʹәвнә Хәбәрдане кö Шәʹдәтийе Бьдьн

Иса карьбу нәформал кʹöлфәта Самәрирʹа шәʹдәти бьдә, чьмки әw дәстпекьр тʹәви ве бькʹәвә хәбәрдане. Чаwа әм дькарьн дь ве йәкеда даһа щерʹьбанди бьн у тʹәви нәнаса бькʹәвьнә хәбәрдане?

• Һәвалһʹьз бә у тʹәви мәрийа бькʹәвә хәбәрдане. Рʹаст ә Иса вәстийайи бу, ле диса жи әwи хәбәрдана хwә дәстпекьр бь ве йәке, кö ав хwаст. Тö жи дькари хәбәрдана хwә пе славе дәстпеки, у паше тьштәки бежи мәсәлә дәрһәqа һәве, йан qәwьмандьнед wан пашwәхтийа. Бир нәкә, нета тәйә сәрәкә әв ә, wәки хәбәрдане дәстпеки. Тʹемәкә öса бьжберә, чь кö wе мәрийарʹа һʹәwас бә. Һәрге әw дьле мәрьва нәгьрә, йәкә әв шьхöле тә бош-бәтал нинә. Бьхәбьтә сәр wе йәке кö мәрьварʹа бькʹәви хәбәрдане. Жь Йаһоwа мерхасийе бьхwазә (Нм. 2:4; Кр.Шн. 4:29).

• Мәщале бьгәрʹә кö мьзгинийа хере бәла ки, ле ләз нәкʹәвә. Бьра хәбәрдана тә тʹәбийәти бә. Һәрге тö хәбәрдана хwәда зорʹе мәрьва бьки, мәрьв wе әʹщьз бә у хәбәрдане бьдә сәкьнандьне. Дьлтәнг нәбә гава хәбәрдана wә хьлаз дьбә, ле тә һе перʹа нәгийанд шәʹдәти бьди. Һәрге тәрʹа чәтьн ә нәформал мьзгинийе бәла ки, wәки öса нә бьхәбьтә кö мәрийарʹа бькʹәви хәбәрдане, ле бе wе нете кö шәʹдәтийе бьди. [Видео 1 вехә у шеwьр кә.]

• Мәщаләкә öса чекә, wәки дәрһәqа баwәрийа хwә шәʹдәтийе бьди, жь бо чь жи мәрьв wе бьхwазә кö тö wирʹа шьровәки. Әв йәк wе мәрьв һелан кә, wәки әw пьрса бьдә тә. Иса жи хәбәрдана хwә öса дәстпекьр, wәки кʹöлфәт һелан бу пьрса бьде. Әwи щаба пьрсед wе дьда, у öса мьзгинийа хере гийандә wе. [Видео 2 вехә у шеwьр кә, у паше видео 3 вехә у шеwьр кә.]