Ԝә Заньбу?

Әʹрәба ԝәзире Әтйопи чь щурʹәйи бу, тʹәви кʹижани кӧ Филипо хәбәр да?

ХӘБӘРА кӧ Кʹьтеба Пирозда ча «әʹрәбә» һатийә ԝәлгәрʹандьне, дькарә щурʹә-щурʹә әʹрәбә бе һʹәсабе (Кʹаред Шандийа 8:28, 29, 38). Ле ча кʹьфш ә, әʹрәба ԝәзире Әтйопи, әʹрәбәкә дьһа мәзьн бу, нә кӧ әʹрәба әскәри, йан жи әʹрәбед кӧ бона рʹәвед һәспа дьданә хәбате. Ԝәрә әм дина хԝә бьдьне, кӧ чьрʹа әм дькарьн ӧса бежьн.

Ԝәзире Әтйопи мәрьвәки навдар бу, йе кӧ жь ԝәлатәки дур һатьбу. Әԝ «ԝәзире Кәндаке, аԝа готи пʹадша Әтйупийе» бу, у «ԝәкʹиле тʹәмамийа хьзна ԝе бу» (Кʹаред Шандийа 8:27). Ԝәʹде бәре, Судан у Мьсьра башурейә иройин жи пʹара Әтйопйайе бу. Жь бәр кӧ рʹе дур бу у әԝи гәләк һур-муред хԝә тʹәви хԝә дьбьр, дьбәкә чәнд әʹрәбед ԝи һәбун. Ԛьрʹна йәкеда, сәва кӧ рʹеԝийа щигӧһасти кьрана, әʹрәбед бь чар тʹәкәрәка дьданә хәбате, сәре кʹижана кӧ гьрти бун. Каникеда ӧса те готьне: «Әʹрәба ӧсада дьһа зедә бар щи дьбу, бона рʹеԝитийе рʹьһʹәт бу у мәрьв дькарьбун һәрʹьн щийед дур (Acts—An Exegetical Commentary).

Чахе Филипо һатә бал ԝәзире Әтйопи, әԝи Ньвисаред Пироз дьхԝәнд. Кʹьтеба Пироз дьбежә кӧ «Филипо жи бәзи незик буйе, бьһист кӧ әԝ кʹьтеба Ишайа пʹехәмбәр дьхунә» (Кʹаред Шандийа 8:30). Әʹрәбед бона рʹеԝитийе һеди-һеди дьчун, ләма жи ԝәзире Әтйопи дькарьбу кʹьтеб бьхунә, ле Филипо, йе кӧ ньга дьчу, дькарьбу бьгьһижә ԝи.

Ԝәзире Әтйопи «һиви жь Филипо кьр кӧ рʹабә рʹәх ԝи рʹуне» (Кʹаред Шандийа 8:31). Ԝан әʹрәбада, йед кӧ бона рʹәвед һәспа бун, мәрьв пʹийа дьсәкьнин, ле әʹрәба бона рʹеԝитийеда, щийе рʹуньштьне һьм бона ԝәзир, һьм жи бона Филипо һәбу.

Ль гора Кʹаред Шандийа сәре 8, кӧ жь бина бәр Хԝәде һатьбу ньвисаре, у ӧса жи избатийед тʹәрихийе, шькьлед әʹдәбйәтед мәда ԝәзире Әтйопи ида пе әʹрәбәкә мәзьн нишан дькьн.