DERS 18

Melûmata Balkêş

1. Korîntî 9:19-23

BI KURTASÎ: Lazim e ku malzeme ji bo guhdaran balkêş be, da ku ew li ser mijarê bifikirin û piştî pêşkêşiyê şa bin ku ew tiştekî bifeyde hîn bûne.

ÇAWA:

Bike hesabê ku guhdar jixwe çi dizanin. Li şûna vê ku tu tiştên ku ew jixwe dizanin dubare bikî, alî wan bike ku ew tiştekî teze hîn bibin.

Fikrên nas zû bi zû derbas bike, lê fikrên nû hêdî hêdî pêşkêş bike.
Lêkolîn bike û kûr bifikire. Eger fersend hebe, fikrên nû bi alîkariya melûmat an nûçeyên balkêş pêşkêş bike. Li ser malzemeya xwe kûr bifikire û kontrol bike ka malzeme bi rastî bi mijara te ve girêdayî ye.

Gava tu malzemeyê lêkolîn dikî, bi alîkariya pirsên wek “çi”, “çima”, “kengê”, “li ku derê”, “kî” an “çawa” kûr bifikire. Li dema pêşkêşiyê jî, tu dikarî bi alîkariya van pirsan bala guhdaran bikişînî.
Nîşan bide ku gotinên te çima bifeyde ne. Îzah bike ku prensîpên Kitêba Pîroz çawa dikarin roj bi roj alî guhdaran bikin. Bala wan bikişîne ser hin rewş û halan, ên ku ji bo wan muhîm in.