Baweriya Te bi Sozên Yehowa Çi Qas Xurt e?

Hem Yêşû hem Silêman teyîd kir ku hemû sozên Yehowa hatine cih (Yş 23:14; 1Qr 8:56). Bi şahidiya wan, bingeha baweriya me hê saxlemtir dibe (2Kr 13:1; Tît 1:2).

Di dema Yêşû de, Yehowa çawa sozên xwe anîn cih? Tevî malbata xwe li vîdeoya ‘Her Xeber Hatin Sêrî’ (bi Kurmanciya Qafkasyayê) temaşe bike. Paşê van pirsan muzakere bike: (1) Tu çawa dikarî baweriya Rehabê ji xwe re bikî nimûne? (Îbr 11:31; Aq 2:24-26). (2) Serpêhatiya Akan çawa nîşan dide ku netîceya bêîtaetiya qesdî felaket e? (3) Xelkê Gîbonê her çi qas leşker bûn jî, wan çima Yêşû xapand û bi miletê Îsraêl re peymana aştiyê danî? (4) Gava pênc padîşahên Amoriyan li hemberî miletê Îsraêl rabûn, sozê Yehowa çawa hat cih? (Yş 10:5-14). (5) Wexta tu berî her tiştî li Padîşahiya Xwedê û rastdariya wî geriyabûyî, Yehowa çawa alî te kir? (Mt 6:33).

Lazim e ku em li ser hemû tiştên ku Yehowa heta niha kiriye, niha dike û wê paşê bike bifikirin, ku baweriya me bi sozên wî xurttir bibe (Rm 8:31, 32).