Di Xizmetê de Hunerên Xwe bi Pêş Bixe li Warê Xwe Bigihîje Her Kesî

ÇIMA MUHÎM E? Zekerya pêxembertî kiribû ku mirovên ji her milet û zimanî wê mizgînê qebûl bikin (Zek 8:23). Lê kî wê mizgînê bide wan? (Rm 10:13-15). Îmtiyaz û mesûliyeta me ev e ku em li warê xwe mizgînê bidin her kesî (od-E 84 par. 10-11).

GEREK TU ÇI BIKÎ?

• Haziriyê bike. Gelo tu carinan li kesên ku zimanên din dipeyivin, rast têyî? Bi saya programa JW Language, tu dikarî pêşkêşeke hêsan bielimî. An jî tu dikarî li ser telefon an tableta xwe rêyî mirovan bidin ku ew çawa dikarin li ser jw.org bi zimanê xwe zêdetir melûmatê bistînin.

• Hişyar be. Wexta ku tu derî bi derî diçî, tu dikarî bi kesên ku li kolanê derbas dibin an di erebeyan de disekinin re jî bipeyivî. Gava tu di xizmeta umûmî de dixebitî, bala xwe bide armanca xizmetê.

• Xîret bike. Eger li malekê kes tune be, dîsa here. Ji bo ku tu li her malê kesekî bibînî, li wextên cuda here, mesela li saeteke din an li rojeke din. Dibe ku tu ancax bi navgîniya nameyekê, bi telefonê an jî di xizmeta kolanê de bigihîjî xwediyên hin malan.

• Îhmalkar nebe. Eger dilê xwediyê malê hebe, dereng nekeve û dîsa here. Eger ew zimanekî din dizane, bi mizgînvanekî ku vî zimanî dizane û dikare alî wî bike, bikeve îrtibatê. Heta ku mizgînvanekî wisa bê ba wî, gerek tu herî û pê re eleqedar bî (od-E 94 par. 39-40).

VÎDEOYA MIZGÎNIYA XÊRÊ DIGIHÎJE ‘HETA SERÊ DINÊ’ (BI KURMANCIYA QAFKASYAYÊ) TEMAŞE BIKE Û PAŞÊ CEWABÊN VAN PIRSAN BIDE:

• 

  Xwişk û birayan çawa hazirî kir ku ew herin ba mirovên ku li herêmên dûr dijîn? (1Kr 9:22, 23)

• 

  Lazim bû ku ew serî bi kîjan zehmetan re derxînin?

• 

  Wan çi bereket dîtin?

• Tu dikarî çi bikî ku tu li warê xwe bigihîjî zêdetir însanan?