WEK ÎSA MESÎH BIJÎ

Hay ji Xwe Hebe ku Tu Xeberên Derewîn Belav Nekî

Jinikek li telefona xwe dinêre û ecêbmayî dimîne.

Îro, bi milyonan kes dikarin melûmat yan xeberên nû ji weşan, radiyo, televîzyon û Înternetê zû pê bihesin. Her çi qas bê hemdî be jî, kesên ku ji “Xwedayê rastiyê” re îbadetê dikin naxwazin xeberên derewîn belav bikin (Zb 31:5; 2Mû 23:1). Eger xeberên derewîn belav bibin, ev yek dikare zerarê bîne meydanê. Ji bo ku tu emîn bî ka xeberek rast e yan na, ji xwe bipirse:

“Gelo ez dikarim baweriya xwe bi çavkaniya vê xeberê bînim?” Kesê ku melûmatekê dide te belkî bi xwe jî hemû hûrgiliyan nizane. Xeberên ku ji kesekî derbasî kesekî din dibin, di netîceyê de hinek diguherin. Ji ber vê yekê, emîn be ku çavkaniya xeberê rast e. Bi xisûsî kesên ku di civatê de mesûliyetên wan hene gerek emîn bin ka xeberek rast e yan na, çimkî kesên din baweriya xwe bi wan tînin.
“Gelo ev melûmat îftira ye?” Eger ev melûmat navê kesekî yan komekê reş dike, wê baş be ku tu vê melûmatê belav nekî (Mtl 18:8; Flp 4:8).
“Gelo ev xeber bimantiq e?” Eger tu xeber yan serpêhatiyeke ecêb bibihîzî, hemen pê bawer nebe.

LI VÎDEOYA GEVESTÎ ÇAWA BIDINE SEKINANDINÊ? (RDU) TEMAŞE BIKE Û CEWABÊN VAN PIRSAN BIDE:

Li gor Methelokên Silêman 12:18, gotinên me dikarin çi zerarê bidin?
Filîpî 2:4 behsa kîjan prensîpê dike?
Eger kesek di heqê kesekî din de tiştekî tûj yan negatîf bibêje, gerek em çi bikin?
Berî ku em di heqê kesekî din de xeber bidin, wê baş be ku em ji xwe çi bipirsin?