WEK ÎSA MESÎH BIJÎ
Taybetiyên Bifeyde yên Weşana Heta bi Hetayê Dilşad Be!
Gelo vîdeo û pirsên ji bo derxistina nêrîna xwendekar li kitêba Heta bi Hetayê Dilşad Be! li te xweş tên? Bi dîtina te, parên “Hinek Wisa Dibêjin,” “Hedef,” û “Zêdetir Hîn Bibe” çawa ne? Wekî din, kîjan parên din dikarin alî te bikin ku tu kursên Kitêba Pîroz îdare bikî? (Mt 28:19, 20).
Medya: Eger tu kursa Kitêba Pîroz bi kitêba çapkirî îdare dikî, gelo tu çawa dikarî hemû vîdeo û medyayan nîşanî xwendekarê xwe bidî? Li kitêba dîjîtal, yek ji çar qismên sereke veke. Di bin lîsteya navên dersan de, tu dikarî hemû medyayên vî qismî hilbijêrî (li wêneyê 1ê binêre).
Eyara “Versiyona Çapkirî”: Eger tu kursa Kitêba Pîroz bi destê haceteke elektronîk derbas dikî, eyara “Versiyona Çapkirî” carinan dikare bifeyde be. Li hundirê dersekê, li ser sê nuqteyên li darikê amûran a jorîn bitikîne û “Versiyona Çapkirî” hilbijêre. Ev format dikare alî te bike ku tu ji bîr nekî ku malzemeya ku hûn li ser xeber didin çawa bi mijara dersê ve girêdayî ye. Gava tu dixwazî vegerî versiyona dîjîtal, dîsa li ser sê nuqteyan bitikîne û “Versiyona Dîjîtal” hilbijêre.
“Gelo Ez Hazir im?”: Ev çarçove li dawiya qismê 4an ê kitêbê nîşan dide ku gerek xwendekar li gor kîjan gavan hereket bike, da ku ew karibe bibe mizgînvanê nebinavbûyî û paşê bin av bibe (li wêneyê 2yan binêre).
Zanînên Zêde: Zanînên zêde hin mijarên muhîm zelal dikin. Bi alîkariya lînka li dawiya her zanîna zêdê, tu dikarî vegerî dersê (li wêneyê 2yan binêre).
Eger xwendekarên te berî xelaskirina kitêba Heta bi Hetayê Dilşad Be! bin av bibin jî, kitêbê heta dawiyê bi wan re lêkolîn bike. Piştî binavbûna wan jî tu dikarî saetan, ziyaretên dubare û kursa Kitêba Pîroz li rapora xwe binivîsî. Eger mizgînvanekî din bi te re beşdarî kursê be, ew jî dikare saetan li rapora xwe binivîse.