Baweriya Xwe Xurttir Bike ku Yehowa Dikare Te Xelas Bike

4. Mûsa 13:25–14:4 bixwîne. Li gor van ayetan, Îsraîliyan baweriya xwe bi Yehowa nedianî.

Li ayetên din binêre. Gava Îsraîlî ji welatê Misrê derketin, wê çima lazim bûya ku ew bawer bin ku Yehowa dikare wan xelas bike? (Zebûr 78:12-16, 43-53). Baweriya wan çima sist bû? (5. Mûsa 1:26-28). Yêşû û Kaleb çawa nîşan da ku ew bi Yehowa bawer in? (4. Mûsa 14:6-9).

Zêdetir lêkolînê bike. Îsraîliyan çawa dikaribû baweriya xwe ya bi Yehowa xurttir bikira? (Zebûr 9:10; 22:4; 78:11). Ev yek ku mirov baweriya xwe bi Yehowa tîne çawa bi vê yekê ve girêdayî ye ku mirov qedrê Yehowa digire? (4. Mûsa 14:11).

Ji xwe re dersan bigire. Ji xwe bipirse:

• “Dibe ku kengê li min zor bê ku ez xwe bi temamî bispêrim Yehowa?”

• “Ji bo ku ez hem niha hem jî di pêşerojê de zêdetir bi Yehowa bawer bim, ez dikarim çi bikim?”

• “Çima ne lazim e ku ez ji tengasiya mezin bitirsim?” (Lûqa 21:25-28)