DERS 15

Xeberdana bi Piştrastî

1. Selanîkî 1:5

BI KURTASÎ: Nîşan bide ku tu bi rastiya Kitêba Pîroz bawer dikî û ku gotinên te pir muhîm in.

Rind haziriyê bike. Malzemeyê hûr û kûr lêkolîn bike heta ku tu fehm bikî ku fikrên sereke kîjan in û Kitêba Pîroz van fikran çawa îsbat dike. Fikrên sereke bi çend gotinên hêsan bîne zimên. Bala xwe bide vê yekê ku ev fikir çawa dikarin alî guhdaran bikin. Dua bike ku Xwedê ruhê pîroz bide te.

Pêşkêşiya xwe bi dengê bilind prova bike ku tu rind hînî malzemeyê bibî û karibî xweş bipeyivî.
Baweriya xwe bi peyvên xwe nîşan bide. Li şûna ku tu hevokên malzemeyê rasterast dubare bikî, bi peyvên xwe xeber bide. Nîşan bide ku tu bi gotinên xwe bawer î.
Ji dil û bi sergiranî bipeyive. Bi dengê bilind bipeyive ku her kes karibe te rind bibihîze. Li çavên guhdaran binêre (eger li gor adetên herêmê normal e).

Xeberdana bi piştrastî nayê maneya xeberdana sert. Gava tu bi sergiranî dipeyivî, dîsa jî dilgerm be.