DERS 01

Kitêba Pîroz Çawa Dikare Jiyana Te Xweştir Bike?

Versiyona Çapkirî

Hema pirsên her însanekî yên li ser mexseda jiyanê, kul û derdên dinyayê, mirin û pêşerojê hene. Em xema meseleyên jiyana rojane jî dixwin. Wekî din, gerek em debara mala xwe bikin û em ji bo malbata xwe jiyaneke xweş dixwazin. Kitêba Pîroz, yanî Tewrat, Zebûr û Încîl, hem cewabên pirsên muhîm hem jî şîretên baş dide. Bi rastî Kitêba Pîroz ji bo her kesî bifeyde ye.

1. Kitêba Pîroz cewabên kîjan pirsan dide?

Kitêba Pîroz cewabên van pirsên muhîm dide: Jiyanê çawa dest pê kir? Mexseda jiyana me çi ye? Çima însan kul û derdan dikişîne? Piştî mirinê çi tê serê me? Her kes selametiyê dixwaze, lê çima ew qas şer hene? Gelo halê dinyayê wê çawa bibe? Kitêba Pîroz dilê me xurt dike ku em li cewabên van pirsan bigerin, û cewabên Kitêba Pîroz dilê bi milyonan însanan rihet kiriye.

2. Kitêba Pîroz çawa dikare alî me bike ku em ji jiyana xwe kêfê bistînin?

Kitêba Pîroz şîretên baş dide me. Mesela, ew alî malbatan dike ku ew bi rastî dilxweş bibin. Şîretên Kitêba Pîroz nîşanî me didin ku em çawa dikarin ji diltengiya xwe derkevin û ji şixulê xwe kêfê bistînin. Tu dikarî bi destê van ders û sohbetan bielimî ku Kitêba Pîroz li ser van meseleyan û li ser meseleyên din jî çi dibêje. Belkî tuyê jî rastiya van gotinan qebûl bikî: “Tevahiya Nivîsara Pîroz [her tiştê di Kitêba Pîroz de] ... bi kêr tê” (2. Tîmotêyos 3:16).

Ev weşan cihê Kitêba Pîroz nagire. Lê belê, ewê lêkolîna Kitêba Pîroz li ber dilê te xweş bike. Îcar ji kerema xwe re, ayetên Kitêba Pîroz bixwîne û bifikire ku ew ji bo te çima bifeyde ne.

HÛR Û KÛR BIFIKIRE

Gelo Kitêba Pîroz çawa alî însanan kiriye? Tu çawa dikarî ji xwendina Kitêba Pîroz kêfê bistînî? Û ji bo ku tu ji Kitêba Pîroz fehm bikî, çima lazim e ku kesek alî te bike?

3. Kitêba Pîroz dikare rê nîşanî me bide

Kitêba Pîroz wek çirayê rêya me ronahî dike. Kitêba Pîroz dikare alî me bike ku em qerarên baş bidin. Ew ji me re dibêje ku halê dinyayê wê çawa bibe.

Zebûr 119:105 bixwîne û li ser van pirsan sohbetê bikin:

Pêxemberê Xwedê li ser Kitêba Pîroz çi difikirî?
Tu li ser Kitêba Pîroz çi difikirî?

Zilamek di tariya şevê de bi tena serê xwe li ber avê dimeşe. Ew bi çirayê rêya li pêşiya xwe ronî dike.

4. Di Kitêba Pîroz de cewabên pirsên me hene

Serê jinikekê bi gelek salan bi pirsên giran re mijûl dibû. Lê, wê cewabên pirsên xwe di Kitêba Pîroz de dîtin. VÎDEOYÊ vêxe û li ser van pirsan sohbetê bikin:

VÎDEO: Hêviya Xwe Tu Caran Winda Neke! (1:48)

Çi pirsên vê jinikê hebûn?
Lêkolîna Kitêba Pîroz çawa alî wê kir?

Kitêba Pîroz dilê me xurt dike ku em pirsan bipirsin. Meta 7:7 bixwîne û li ser vê pirsê sohbetê bikin:

Çi pirsên te hene ku tu dixwazî cewabên wan ji Kitêba Pîroz bistînî?

5. Tu dikarî ji xwendina Kitêba Pîroz kêfê bistînî

Gelek kes ji xwendina Kitêba Pîroz hez dikin. VÎDEOYÊ vêxe û li ser van pirsan sohbetê bikin:

VÎDEO: Xwendina Kitêba Pîroz (2:05)

Kesên ciwan li ser xwendinê çi difikirîn?
Ew niha li ser xwendina Kitêba Pîroz çi difikirin?

Gotinên Kitêba Pîroz dilê me rihet dikin û hêviyê didin me. Romayî 15:4 bixwîne û li ser vê pirsê sohbetê bikin:

Gelo tu dixwazî van gotinên xweş baştir nas bikî?

6. Kesên din dikarin alî me bikin ku em ji Kitêba Pîroz fehm bikin

Gelek kes bi tena serê xwe Kitêba Pîroz dixwînin û bi kesên din re jî li ser wê sohbetê dikin. Bi vî awayî ew pir feydeyê distînin. Karên Şandiyan 8:26-31 bixwîne û li ser vê pirsê sohbetê bikin: