WEK ÎSA MESÎH BIJÎ
Nivîsarên Pîroz bi Dil û Can Lêkolîn Bike
Gelo tu jî dixwazî wek Danîêl ber bi tengahiyan dilsoz bimînî? Danîêl Peyva Xwedê û pêxembertiyên kûr bi dil û can lêkolîn dikirin (Dn 9:2). Eger tu Kitêba Pîroz bi dil û can lêkolîn bikî, tuyê jî bikaribî dilsoz bimînî. Çawa? Bi saya lêkolînkirinê, tuyê zêdetir bawer bikî ku sozên Yehowa wê bên cih (Yş 23:14). Ji xeynî vê, tuyê ji Xwedê zêdetir hez bikî û bixwazî tiştên rast bikî (Zb 97:10). Lê belê tu çawa dikarî dest pê bikî? Bila em li çend tewsiyeyan binêrin.
Gerek ez li ser çi lêkolîn bikim? Wê baş be ku tu her hefte ji bo civînan haziriyê bikî. Ji bo ku tu ji xwendina Kitêba Pîroz a heftanî zêdetir feyde bistînî, qismên ku tu rind fehm nakî lêkolîn bike. Wekî din, tu dikarî der heqê pêxembertiyên Kitêba Pîroz, berê ruhê Xwedê, seferên Pawlosê şandî an tiştên ku Yehowa afirandine de zêdetir melûmat bistîne. Wexta ku pirseke li ser Kitêba Pîroz tê bîra te, wê binivîse û paşê lêkolîn bike.
Melûmat li ku derê heye? Vîdeoya Hacetên bona Dîtina Xizna Ruhanî (bi Kurmanciya Qafkasyayê) rêyî me dide ku em ji ku derê dikarin melûmat bistînin. Ji bo ceribandina hunerên xwe, lêkolîn bike ku împaratoriyên cîhanî, yên ku li beşa 7an a kitêba Danîêl wek cinawir tên nîşan dayîn, kîjan in.
Gerek ez ji bo lêkolînkirinê çi qas wext xerc bikim? Bernameyeke muntazam ji bo siheta ruhî şert e. Tu dikarî hêdî hêdî dest pê bikî û paşê wexta lêkolînkirinê zêde bikî. Lêkolîna Peyva Xwedê wek lêgerîna li xezîneyên veşartî ye. Her ku tu xezîneyan dibînî, tuyê bixwazî zêdetir lêkolîn bikî (Mtl 2:3-6). Bi vî awayî, tuyê her ku diçe zêdetir hesreta Peyva Xwedê bibî, û bernameya te ya ji bo lêkolîna Kitêba Pîroz wê baş rûne (1Pt 2:2).
CINAWIRÊN LI BEŞA 7AN A KITÊBA DANÎÊL ÇI TEMSÎL DIKIN?
Dn 7:4
Dn 7:5
Dn 7:6
Dn 7:7
PIRSEKE ÎLAWE:
Danîêl 7:8, 24 çawa hat cih?
PROJEYA DIN:
Cinawirên beşa 13an a kitêba Peyxamê çi temsîl dikin?