Tuyê Çawa ji bo Bîranînê Haziriyê Bikî?

Ji vê salê û pê ve, wexta me wê zêde bibe ku em ji bo Bîranîna Mirina Îsa Mesîh haziriyê bikin. Eger roja Bîranînê bikeve ser hundirê heftiyê, civîna Jiyan û Xizmetê wê tune be. Eger roja Bîranînê bikeve ser dawiya heftiyê, gotara umûmî û lêkolîna Birca Çavdêriyê wê tune bin. Gelo emê vê wextê bi awayekî baş bi kar bînin? Wek li sedsala yekê, lazim e ku cih, nan û şerab û tiştên din ji bo Bîranînê bên hazir kirin (Lq 22:7-13; km-TK 15/3 1). Lê ji xeynî vê, gerek em dilê xwe ji bo Bîranînê hazir bikin. Em çawa dikarin vê yekê bikin?

• Bifikire ku çima muhîm e ku tu herî Bîranînê (1Kr 11:23-26).

• Li ser dostaniya xwe bi Yehowa kûr bifikire (1Kr 11:27-29; 2Kr 13:5).

• Malzemeya li ser maneya Bîranînê bixwîne û li ser wê kûr bifikire (Yh 3:16; 15:13).

Ji bo ku nêziktirî Yehowa û Îsa bibin, hin mizgînvan ayetên hilbijartî, yên ku ji bo Bîranînê tên nîşan dayîn, dixwînin û li ser wan kûr difikirin. Hin kes jî ayetên ku di çarçoveyê de tên nîşan dayîn, dixwînin. Hinek jî meqaleyên Birca Çavdêriyê yên li ser Bîranînê û li ser hezkirina Yehowa û Îsa lêkolîn dikin.