WEK ÎSA MESÎH BIJÎ
Gelo Tu Hazir î ku Herî Kursa Mizgînvanên Padîşahiyê?
Gelo emrê te 23 heta 65 salî ye? Gelo tu xizmeta tamrojî dikî? Gelo siheta te baş e? Gelo tu dikarî derbasî cihekî din bibî, yê ku li wê derê hewcedarî heye? Eger cewaba te “Erê” ye, gelo tu qet fikiriyî ku herî Kursa Mizgînvanên Padîşahiyê? Ji kursa pêşîn û pê ve, bi hezaran xwişk û birayên zewicî û azib ev kurs xelas kiriye. Lê belê, dîsa jî hewcedarî heye ku zêdetir birayên azib herin vê kursê. Ji Yehowa rica bike ku ew daxwaza te zêde bike ku tu dilê wî şa bikî û Îsa Mesîh ji xwe re emsal bigirî (Zb 40:8; Mt 20:28; Îbr 10:7). Paşê, bifikire ku tu çawa dikarî mesûliyetên xwe yên şexsî kêmtir bikî, da ku tu karibî herî kursê.
Kesên ku ev kurs xelas kiriye çi cure xizmet pêk tînin? Hin xwişk û bira li herêmên bi zimanên din hatine tayîn kirin, û hinek jî hatine tayîn kirin ku li bajarên mezin xizmeta umûmî bikin. Hin kes wek nazirên heremê yan wek alîkarên wan yan jî wek mizgînvanên wezîfedar hatine tayîn kirin. Gava tu li ser zêdekirina xizmeta xwe difikirî, belkî tu jî wek Îşaya pêxember dibêjî: “A vay ez, min bişîne!” (Îş 6:8).
LI VÎDEOYA FIELD MISSIONARIES WORKERS IN THE HARVEST (E) TEMAŞE BIKE Û CEWABÊN VAN PIRSAN BIDE:
Mizgînvanên wezîfedar çawa tên hilbijartin?
Mizgînvanên wezîfedar çi îşê muhîm dikin?
Hin bereketên ku mizgînvanên wezîfedar distînin, çi ne?