XEZÎNEYÊN KITÊBA PÎROZ

Alî Kesên Nedîndar Bike ku Xwedê Nas Bikin

Gelo qet çêbûye ku te xwe ji yekî nedîndar dûr girtiye ku bi wî re li ser mizgînê xeber bidî? Belkî tu fikirî ku ewê guh nede te. Eger wisa be, bîne bîra xwe ku gelek kesên nedîndar, heta ateîst jî, bûne Şahidên Yehowa. Gelek caran, ji wan re tenê îsbateke baş lazim bû ku Xwedê bi rastî heye (Rm 1:20; 10:14).

LI VÎDEOYA MIROVÊN BÊBAWER DIKARIN BIGUHERIN – KESÊN NEDÎNDAR TEMAŞE BIKE Û CEWABA VÊ PIRSÊ BIDE:

Serpêhatiya Tommaso çawa dikare alî te bike ku tu li ser kesên nedîndar bi awayekî baş bifikirî û mizgînê bidî wan?

Cewaba te

Çawa?

Eger kesek dibêje ku ew bi Xwedê bawer nake, bi nermî, bi hurmetî û ji dil jê bipirse ka ew çima wisa difikire (2Tîm 2:24). Li ser mijarên wisa ku dikarin bala wî kesî bikişînin, sohbet bike. Gelek îsbatan alî kesên din kirine ku baweriya xwe bi hebûna Xwedê bînin. Gelo ew hazir e li ser wan îsbatan sohbet bike? Ji bo vê yekê weşan û vîdeoyên ku li ser vê meseleyê hene, bi kar bîne. Mesela, broşûrên Jiyanê Çawa Dest pê Kir? û Destpêka Jiyanê – Pênc Pirsên Muhîm di hacetên Elimandinê de hatin zêdekirin ku em wan bi kar bînin.

Di serî de, belkî tu nizanî ku çawa bi kesekî nedîndar re li ser Xwedê dest bi sohbetê bikî. Gelo tu dikarî alîkariya mizgînvanekî bitecrûbe bixwazî? Wekî din, ji bîr neke ku Yehowa dikare alî te bike ku tu rastiyê bigihînî kesên dilpak, heta dilê kesên ku di serî de baweriya xwe bi hebûna Xwedê naynin (Kar 13:48).