Di Xizmetê De Hunerên Xwe Bi Pêş Bixe – Xeberdana li ber Kamera yan Diyafonê

ÇIMA? Seba pêşketina teknolojiyê û zêdebûna zordariyê, li gelek malan kamera û diyafon hene. Dibe ku xeberdana bi kesekî ku me dibîne, lê em wî nabînin, li me xweş nayê. Rêberiya jêrê wê alî me bike ku em xwe rihettir hîs bikin gava em li ber kamera yan diyafonê dipeyivin.

ÇAWA?

• Pozîtîf be. Gelek xwediyên malê, yên ku kamera yan diyafona wan heye, hazir in ku bi me re sohbetê bikin.

• Ji bîr neke ku hin kamera dest bi qeydkirinê dikin berî ku tu li derî bixî, û dibe ku xwediyê malê te dibîne û dibihîze.

• Gava xwediyê malê cewabê dide, li ber kamera yan diyafonê wisa xeber bide qey tu wî rû bi rû dibînî. Rûken be û jestên xwezayî bi kar bîne. Tiştên ku teyê bigotana, eger wî derî vekira, wana bibêje. Gelek nêzikî kamerayê nesekine. Eger xwediyê malê cewabê nede, bi diyafonê mesajê nehêle.

• Piştî xelasbûna sohbetê, ji bîr neke ku xwediyê malê te belkî hê dibîne yan dibihîze.