Li Xizmetê Kitêba Heta bi Hetayê Dilşad Be! Bi Kar Bîne

Em pir dilşad in ku ji bo îdarekirina kursên Kitêba Pîroz broşûr û kitêbeke nû hene! Bi saya bereketa Yehowa, emê bikaribin alî gelek kesên nû bikin ku ew bibin şagirtên Îsa Mesîh (Mt 28:18-20; 1Kr 3:6-9). Gelo em çawa dikarin van hacetên nû bi kar bînin?

Ev broşûr û kitêb gerek bi metodeke nû bên bi kar anîn. Wê baş be ku tu xwe li gor rêberiya jêrîn ji bo kursê hazir bikî û kursê îdare bikî.a

• Malzemeyê bixwîne û li ser pirsan sohbetê bikin

• Ayetên ku wek “bixwîne” îşaretkirî ne, bixwîne, û alî xwendekar bike ku ew wan fehm bike

• Vîdeoyan vêxe û bi saya pirsên nîşankirî sohbetê bikin

• Eger mumkin be, her dersê di carekê de derbas bike

Li xizmetê, pêşî broşûrê pêşkêş bike, da ku tu têderxî ka mirov eleqedar e yan na (li çarçoveya “Em Çawa Dikarin Broşûra Heta Bi Hetayê Dilşad Be! li Ziyareta Pêşîn Pêşkêş Bikin?” binêre). Eger we ev broşûr xelas kiriye û xwendekar dixwaze berdewam bike, ji wî re kitêbê pêşkêş bike û bi dersa 04 dest pê bike. Eger te bi kitêba Kitêba Pîroz bi Rastî Çi Dibêje? yan jî Di Hezkirina Xwedê de Bimîne dest bi kursê kiriye, derbasî kitêba Heta Bi Hetayê Dilşad Be! bibe û qerarê bide ku tu bi kîjan dersê berdewam bikî.

LI VÎDEOYA TU BI XÊR HATÎ KURSA KITÊBA PÎROZ! TEMAŞE BIKE Û CEWABÊN VAN PIRSAN BIDE:

• Gelo xwendekar wê ji kitêba nû çi hîn bibin?

• Wê çima baş be ku tu vê vîdeoyê nîşanî xwendekarên nû bidî?

• Wê baş be ku tu alî xwendekar bikî ku ew ji xwe re kîjan hedefan deyne? Li çarçoveya “Armanc û Hedefên Her Qismî” binêre.