Dawiya Her Tengasiyê Heye

Tengasî bi hêsanî dikarin cesareta me bişikînin, bi xisûsî gava ew dirêj dikişînin. Dawid dizanibû ku tengasiya ku wî ji aliyê Saûl Padîşah ve dikişand wê rojekê xelas bibe, û ewê – wek Yehowa soz dabû – bibe Padîşah (1Sm 16:13). Baweriya Dawid alî wî dikir ku ew sebir bike û li benda Yehowa bimîne.

Em belkî dikarin hin tengasiyan bi aqlê xwe safî bikin (1Sm 21:12-14; Mtl 1:4). Lê belê, piştî ku me çi ji destê me tê kiriye ku problema xwe li gor prensîpên Kitêba Pîroz safî bikin, dibe ku hin tengasiyên me dîsa jî berdewam bikin. Li demên wisa, gerek em sebra xwe winda nekin û li benda Yehowa bimînin. Di wexteke nêzîk de, Yehowa wê dawiya hemû tengasiyan bîne û ‘ji çavên me hemû hêstirên me paqij bike’ (Py 21:4). Alîkarî bila rasterast ji aliyê Yehowa ve bê yan bi awayekî din bê meydanê, em rind dizanin ku dawiya her tengasiyê heye. Zanîna vê yekê dikare dilê me rihet bike.

LI VÎDEOYA MILETEKÎ YEKBÛYÎ DI DINYAYA PERÇEBÛYÎ DE TEMAŞE BIKE Û CEWABÊN VAN PIRSAN BIDE:

• Hin xwişk û birayên me li Amerîkayê rastî çi tengasiyan hatin?

• Wan çawa sebir û hezkirin eyan dikir?

• Wan çawa bi dewamî bala xwe dida tiştên “herî qenc”? (Flp 1:10)