KILAM 6
Ezman Mezinahiya Xwedê Eyan Dike
(Zebûr 19)
1. Karên Xwedê çi qas xweş û bedew in!
Ji hîkmeta wî re
em dimînin heyran.
Qudret û hezkirina Yehowa
ji karên wî eyan dibin
li erd û ezmanan.
2. Bêqisûr e her qanûna Yehowa,
hemû gotinên wî
dilê me şa dikin.
Wek hingiv in hemû tembîhên wî.
Şîretên Xwedê kamil in,
rêya me rast dikin.
3. Tirsa Xwedê gavên me diparêze.
Rêya wî paqij e,
ew me hişyar dike.
Peyva Xwedê rêber e ji me re.
Belê, qîmeta rastiyê
ji zêr zêdetir e.
(Li van ayetan jî binêre: Zeb. 111:9; 145:5; Pey. 4:11)