DERS 41
Kitêba Pîroz li ser Eleqeya Cinsî Çi Dibêje?
Gelek însan şerm dikin ku li ser seksê, yanî eleqeya cinsî, xeber bidin. Lê, Kitêba Pîroz bi zimanekî zelal û bi hurmet behsa vê meseleyê dike. Şîretên Kitêba Pîroz ji bo me baş in. Yehowa Xaliqê me ye û ew dizane ku ji bo me çi baş e û çi xerab e. Eger em guh bidin şîretên wî, emê dilê wî xweş bikin û heta bi hetayê dilşad bin.
1. Yehowa li ser eleqeya cinsî çi difikire?
Eleqeya cinsî tiştekî xweş e ku Yehowa daye însanan. Ew dixwaze jin û mêrê ku bi hev re zewicî ne, bi hev şa bibin. Bi vî awayî, jin û mêr dikarin hem zarokan çêkin û hem jî eşq û evîna xwe bi awayekî xweş nîşan bidin. Ji ber vê yekê, Kitêba Pîroz dibêje: “Bi jina xortaniya xwe re şa be” (Methelokên Silêman 5:18, 19, Mizgînî). Yehowa ji xizmetkarên xwe yên zewicî dixwaze ku ew ji hev re dilsoz bimînin û qet zînayê nekin (Îbranî 13:4 bixwîne).
2. Bêexlaqiya cinsî çi ye?
Kitêba Pîroz dibêje, “yên ku fuhûşê [bêexlaqiya cinsî] dikin … Padîşahiya Xwedê mîras nastînin” (1. Korîntî 6:9, 10). Nivîskarên Kitêba Pîroz, ên ku bi zimanê Yûnanî nivîsandibû, peyva pornêya ji bo bêexlaqiya cinsî bi kar anîbû. Ev gotin tê maneya eleqeyên cinsîa yên di navbera (1) kesên ku bi hev re nezewicî ne, (2) kesên hemcins û (3) însan û heywanan de. Gava em xwe ji bêexlaqiya cinsî dûr digirin, Yehowa ji me razî dibe û ev yek ji bo me jî baş e (1. Selanîkî 4:3).
HÛR Û KÛR BIFIKIRE
Em çawa dikarin ji bêexlaqiya cinsî dûr bisekinin? Çima ji bo me baş e ku em ji aliyê exlaqî ve paqij bimînin?
3. Ji bêexlaqiya cinsî bireve
Zilamekî dilsoz ê bi navê Ûsiv pir xîret dikir ku ji aliyê exlaqî ve paqij bimîne. 1. Mûsa 39:1-12 bixwîne û li ser van pirsan sohbetê bikin:
Ûsiv çima reviya? (Li ayeta 9an binêre.)
Tu çi dibêjî, qerara Ûsiv baş bû? Gelo çima?
Keç û xort çawa dikarin xwe wek Ûsiv ji bêexlaqiya cinsî dûr bigirin? VÎDEOYÊ vêxe.
Yehowa dixwaze ku em gişt ji bêexlaqiya cinsî dûr bisekinin. 1. Korîntî 6:18 bixwîne û li ser van pirsan sohbetê bikin:
Kîjan hal û rewş dikarin bibin sebeb ku kesek bêexlaqiya cinsî bike?
Tu çawa dikarî ji bêexlaqiya cinsî birevî?
4. Tu dikarî li hemberî ceribandinên cinsî dilsoz bimînî
Kengê ji bo me zor e ku em ji aliyê cinsî ve paqij bimînin? VÎDEOYÊ vêxe û li ser vê pirsê sohbetê bikin:
Gava birayê me fehm kir ku fikir û kirinên wî dikarin bibin sebeb ku ew ji jina xwe re dilsoz nemîne, wî çi kir?
Ji bo Mesîhiyên dilsoz jî carinan zor e ku xwe ji fikrên pîs dûr bigirin. Gelo em çawa dikarin fikrên bêexlaq ji hişê xwe derxin? Filîpî 4:8 bixwîne û li ser van pirsan sohbetê bikin:
Gerek em li ser kîjan tiştan bifikirin?
Xwendina Kitêba Pîroz û xizmeta Yehowa çawa alî me dikin ku em li hemberî ceribandinan bisekinin û guneh nekin?
5. Şîretên Yehowa ji bo me baş in
Yehowa dizane ku ya herî baş ji bo me çi ye. Ew ji me re dibêje ku em çawa dikarin ji aliyê exlaqî ve paqij bimînin û çi feydeya vê ji bo me heye. Methelokên Silêman 7:7-27 bixwîne yan VÎDEOYÊ vêxe. Paşê li ser van pirsan sohbetê bikin:
Vî xortî çawa serê xwe xist belayê? (Li Methelokên Silêman 7:8, 9 binêre.)
Li gor Methelokên Silêman 7:23, 26, di netîceya bêexlaqiya cinsî de tiştên xerab dikarin bên serê me. Eger em ji aliyê exlaqî ve paqij bimînin, emê derdê çi nekişînin?
Paqijiya exlaqî çawa dikare alî me bike ku em heta bi hetayê dilşad bin?
Hin kes difikirin ku gotinên Kitêba Pîroz ên li ser eleqeya hemcinsî pir hişk in. Lê Yehowa, yanî Xwedayê hezkirinê, dixwaze ku her kes heta bi hetayê dilşad be. Ji bo ku em bigihîjin vê armancê, gerek em li gor qanûnên wî bimeşin. 1. Korîntî 6:9-11 bixwîne û li ser vê pirsê sohbetê bikin:
Gelo Xwedê tenê xwestekên hemcinsî qedexe dike?
Ji bo ku Xwedê ji me razî be, gerek em gişt li gor qanûnên wî bimeşin. Gelo ev yek hêjayî xîreta me ye? Zebûr 19:8, 11 bixwîne û li ser van pirsan sohbetê bikin:
Gelo qanûnên Yehowa yên li ser exlaqê maqûl in? Tu çima wisa difikirî?
Yehowa alî gelek kesan kiriye ku ew li gor qanûnên wî yên li ser exlaqê bimeşin. Bêguman ewê alî te jî bike
HINEK WISA DIBÊJIN: “Du kesên ku ji hev hez dikin dikarin bi hev re rakevin.”
Teyê çi bigota?
BI ÇEND GOTINAN
Eleqeya cinsî tiştekî xweş e ku Yehowa daye jin û mêrê ku bi hev re zewicî ne.
Tu çi elimî?
Bêexlaqiya cinsî çi ye?
Em çawa dikarin ji bêexlaqiya cinsî dûr bikevin?
Qanûnên Yehowa yên li ser exlaqê çima ji bo me baş in?
ZÊDETIR HÎN BIBE
Xwedê çima dixwaze ku jin û mêr bi resmî bi hev re bizewicin?
“Kitêba Pîroz li ser Kesên ku Bê Zewaceke Resmî bi Hev re Dijîn Çi Dibêje?” (Meqaleya Înternetê)
Ka bixwîne ku Kitêba Pîroz li ser eleqeya hemcinsî çi dibêje.
“Kitêba Pîroz li ser Eleqeya Hemcinsî Çi Dibêje?” (Meqaleya Înternetê)
Qanûnên Xwedê yên li ser eleqeya cinsî me çawa diparêzin?
“Kitêba Pîroz li ser Eleqeya Cinsî ya Oral Çi Dibêje?” (Meqaleya Înternetê)
Zilamek tîne zimên ku wî çima dev ji eleqeya hemcinsî berdaye. Bala xwe bide meqaleya “Wan Qedrê Min Digirt”.
“Kitêba Pîroz Jiyanê Diguherîne” (Birca Çavdêriyê, 1 Nîsan 2011)
a Ev gotin tê maneya hemû cureyên bêexlaqiya cinsî, eleqeya cinsî ya oral, eleqeya cinsî ya anal û bi niyeta cinsî destavêtina organên cinsî yên kesekî din.