Tewsiyeyên ji bo Lêkolînê
Kilam û Stranên Me Ezber Bike
“Gava ez xwe bêqîmet dibînim, Yehowa min bi destê kilamên li ser JW Broadcastingê® teşwîq dike” (Lorraine, DYA).
Strandina kilaman her tim qismekî îbadeta Xwedê bûye (Kolosî 3:16). Eger tu ji dil van kilaman hîn bibî, ewê hêzê bidin te, heta gava kitêba kilaman yan jî cîhazeke elektronîk li cem te tune be. Çi dikare alî te bike ku tu hin kilaman ezber bikî?
Gotinan bi dîqat bixwîne û maneya wan fehm bike. Eger tu tiştekî baş fehm bikî, wê ji bo te hêsantir be ku tu wan bînî bîra xwe. Gotinên hemû kilaman, tevî stranên xisûsî û stranên ji bo zarokan jî, li ser jw.org hene. Ew li bin qismê Kitêbxane û paşê Muzîk tên dîtin.
Gotinan bi destê xwe li ser kaxizekê binivîse. Bi vî awayî, tuyê wan hêsantir bînî bîra xwe (5. Mûsa 17:18).
Bi dengê bilind prova bike. Kilamê dîsa û dîsa bixwîne yan jî bistirê.
Hînbûna xwe biceribîne. Bêyî ku tu li nivîsê binêrî, gotinan bîne bîra xwe. Dû re bibîne ku tu çi qas baş hîn bûyî.