Xîret Bike ku Tu Tiştên Nû Hîn Bibî

Bi destê lêkolîna şexsî, em fersendê didin Yehowa ku ew me perwerde bike. Gava tu lêkolînê dikî, tu dikarî çi bikî, da ku tu tiştên nû hîn bibî?

Ji Yehowa hîkmetê bixwaze. Ji bo ku tu pê derxî ku Yehowa dixwaze ku tu niha çi hîn bibî, bi destê duakirinê ji Yehowa alîkariyê bixwaze (Aqûb 1:5). Nefikire ku tiştên ku tu jixwe dizanî, bes in (Methelokên Silêman 3:5, 6).

Îznê bide ku Kitêba Pîroz ser te tesîr bike. “Peyva Xwedê jîndar û bi bandûr e” (Îbranî 4:12). Her cara ku em Kitêba Pîroz dixwînin, gotinên Xwedê dikarin bi awayekî cuda ser me tesîr bikin. Lê ji bo vê, gerek em hazir bin ku tiştên nû hîn bibin.

Ji bo her tiştê ku Yehowa pêşkêşî te dike, şikirdar be. Tiştên ku ew dide te dişibin ziyafetekê (Îşaya 25:6). Ji mijarên ku tu difikirî ku tuyê ji wan kêfê nestînî, nereve. Bawer be ku her tiştê ku Yehowa tedarek dike hem bifeyde ye hem jî kêfê dide.