Fikrên Sereke di ber Çavan re Derbas Bike

Gelo carinan wisa çêdibe ku piştî lêkolînê, nayê bîra te ku te çi xwendiye? Eger ev problem ba te heye, wê baş be ku tu piştî lêkolînê fikrên sereke dîsa carekê di ber çavan re derbas bikî.

Gava tu lêkolîn dikî, car caran bisekine û fikrên herî muhîm ji xwe re binivîse. Ka binêre ku Pawlosê şandî çawa alî kesên ku nameya wî dixwend, kir: “Niha, ji wan tiştên ku em dibêjin ya sereke ev e” (Îbranî 8:1). Bi van gotinan, wî alî xwendevanan kir ku ew mantiqa gotinên wî û fikrên ku bi mijara wî ve girêdayî ne, fehm bikin.

Belkî tu dikarî piştî lêkolînê ji bo dubarekirina fikrên sereke weke 10 deqeyan veqetînî. Eger fikrên sereke neyên bîra te, li sernivîsan yan li cimleyên pêşîn ên paragrafan binêre. Eger tu tiştekî nû hîn bûyî, ka vî tiştî bi gotinên xwe îfade bike. Dubarekirina fikrên sereke wê alî te bike ku tu wan ji bîr nekî û baştir fehm bikî ku ew çawa bi jiyana te ve girêdayî ne.