‘Em bi Baweriyê Dijîn, ne ku bi Dîtina Çeva’
Pêşiya zeftkirin û wêrankirina Orşelîmê, Pawlosê şandî Mesîhiyara, çawa eskerên başra nivîsî. Ewî got ku ewana gerekê hîviya telî-tengiya bin û nekevine heyra xwe, seva ku di vê dinêda hebûn û lezetê xwera bigerin (2 Tîm. 2:3, 4). Seva ku em bikaribin di vê dinyayêda çetinaya teyax kin, mera baweriya qewî lazim e, seva ku dîna me timê li ser tiştên ruhanî be (2 Kr. 4:18; 5:7). Binihêrin vîdêoya “Em bi Baweriyê Dijîn, ne ku bi Dîtina Çeva”. (Bikeve jw.org NEŞIRKIRIN > VÎDÊO.) Dîna xwe bidin ku çawa tiştên matêrîlaîzmê seva Naham û Abîtalê bûne telik. Paşê şêwir kin pirsên jêrê.
(1) Qirna yekêda çi bû “Herimiya Wêrankirinê ciyê pîrozda”, û Mesîhiyên Orşelîmê çi gerekê bikirana? (Mt. 24:15, 16) (2) Çima lazim bû bawerî, seva ku ji Orşelîmê birevin? (3) Seva ku birevin, çi qurban lazim bûn? (4) Çima Naham û Abîtalê xwe egle dikirin? (Mt. 24:17, 18) (5) Çaxê Rahêl ji Orşelîmê derdiket, ew rastî kîjan cêribandinê hat? (Mt. 10:34-37; Mq. 10:29, 30) (6) Çawa Eytan nîşan kir, ku Yahowa bawer dike û îtbariya xwe jî wî tîne? (7) Mesîhiyên di Pêllayêda rastî kîjan çetinaya hatin? (8) Çawa baweriya Natan û Abîtalê, hêdî-hêdî sist dibû? (9) Çawa Yahowa seva Mesîhiyên Pêllayê xem dikir? (Mt. 6:33; 1 Tîm. 6:6-8) (10) Nêzîkiya rojên kutasiyê, çawa em dikarin çev bidine baweriya Birahîm û Serayê? (Îbr. 11:8-10) (11) Çawa Naham û Abîtalê xwe dane bawerkirinê ku wegerin Orşelîmê, û çima nihêrandina wan nerast bû? (Lq. 21:21) (12) Çaxê Naham û Abîtal wegeriyane Orşelîmê, wî çaxî halê şeher çi rojêda bû? (13) Çima niha nêzîkiya kutasiya vê dinyayê, em gerekê baweriya xwe qewî kin? (Lq. 17:31, 32; 21:34-36).
Bi baweriyê bijîn, ev tê hesabê (1) îtbariya xwe rêberiya Yahowa bînin, (2) bihêlin ku giliyên wî, rêberiya gavên me bikin, û (3) nîşan kin, ku em ji tiştên matêrîalî daha zef tiştên ruhanî dişêkirînin. Lema jî werên em timê bi baweriyê bijîn, û di vê yekêda jî dudilî nebin wekî “dinyayê jî derbaz be, havijiya wê jî, lê ewê ku emirê Xwedê diqedîne wê heta-hetayê bimîne” (1 Yn. 2:17).