Hîn be Wekî Di Xizmetêda Hê Cêribandî bî; Serwaxt be

EV YEK ÇIMA FERZ E: Yên bi ruh kifşkirî û pezên din, her merivekî teglîf dikin, wekî “ava jiyînê . . . bêheq bistîne” (Ent. 22:17). Ev ava sîmbolîk tê hesabê hemû tiştên ku Yehowa dide, seva meriya ji gune û mirinê aza ke. Seva ku em alî wan meriva bikin, kîjan ku qewî edet û hînkirinên rêlîgiyava girêdayî ne, em gerekê “Mizgîniya . . . heta-hetayê” usa wanara bêjin, ku dilê wan bigire (Ent. 14:6).

ÇAWA BIKIN:

• Bijbêre têma û rêzeke usa, ku dilê merivên mihala te bigire. Tu dikarî cûrê belakirina mizgîniyê ya usa bijbêrî, çi ku wê kêrhatî be. Kîjan têma û rêz diha kêrhatî ne? Diqewime deng-besên usa tu dikarî bidî xebatê, seva çi jî meriv xemgîn dibin. Gelo kîjan têma wê hewas bin bona mêr yan jina?

• Xeberdana xwe bi slavê destpêke û li gora edetê mihala xwe bike (2 Kr. 6:3, 4).

• Rind bizanibe wan edebyet û vîdêoya, kîjana didî xebatê wedê xizmetiyê, seva meriya hîn kî

• Elametiya ku merivara dibêjî, xwera bide kişandinê ser wî zimanî, ser kîjanî ku mihala teda meriv xeber didin

• Têma xwe li gora hewcên xweyê malê hazir ke (1 Kr. 9:19-23). Mesele, tê çi bêjî hergê pêbihesî, ku xweyê malê wan paşwextiya merivê xweyî nêzîk unda kiriye?

BINIHÊRE VÎDÊO Û PAŞÊ CABA WAN PIRSA BIDE:

• Xizmetkar bi kîjan têmayê xeberdanê destpêdike, seva ku tevî xweyê malê şêwir ke?

• Jîyîna xweyê malêda çi qewimiye?

• Vê derecêda wê kîjan rêz diha kêrhatî be û çima?

• Tu ça dikarî pêşanîna xwe usa biguhêzî, ku merivên mihala tera hewas be?