Çima Qedir Kêm Bûye Hindava Malbetê?
ÇIMA FERZ E QEDIR BIDINE KIFŞÊ HINDAVA MALBETÊDA
Çaxê neferên malê qedirê hevdu digirin, ev yek orta jin, mêr û zarada edilayê pêşda tîne.
Vê kitêbêda ya bi navê Heft Şîret bona Kara Zewacê (The Seven Principles for Making Marriage Work) tê gotinê ku çaxê jin-mêr qedirê hevdu digirin, usa ewana hezkirinê “nîşan dikin ne tenê tiştên mezinda, lê usa jî her roj tiştên biçûkda”.
Li gora lêkolînê, ew zar yên ku hîn dibin qedirê meriva bigirin, xweda bawer in, heleqetiya wan tevî dê-bavê wan baş e û problêmên psîxîkî bal wan hindik pêşda tên.
TU ÇI DIKARÎ BIKÎ
Tevî malbeta xwe nêta dayne. Ya pêşiyê, îzbat be ku her kes malbetêda fem dike çi tê hesabê qedir bidine kifşê. Ya duda, binivîse ku tu dixwazî wekî her nefereke malê çi bike û çi neke. Ya sisiya, derheqa vê nêtê tevî neferên malbeta xwe şêwir ke, ku nihêrandina zarên te û ya te yek be.
Mesele be. Gelo hûn şaşiyên neferên malbeta xwe sûcdar dikin? Gelo hûn li ser nihêrandina wan dikenin? Gelo hûn xeberdana wan dibirin, yan jî guh nadine xeberdana wan?
Şîret: Qedirê jin-mêr yan zarên xwe wî çaxî jî bigire, hergê tu difikirî ku ewana hêja nînin.
Qedirê meriva wî çaxî jî bigire gava wanra qayîl nînî. Çaxê tu fikirên xwe dibêjî, xeberên usa ça “tu timê” yan “tu tu car” nede xebatê. Xeberdana vî cûreyî dikare dilê neferên te bêşîne û şer-dewa pêşda bîne.
ŞEDÊN YEHOWA ÇI DIKIN
Şedên Yehowa neferên malbeta xwe hêlan dikin, wekî ewana qedirê hevdu bigirin. Gelek car derheqa vê yekê gotar, kitêb, broşûr û vîdêoyên meda tê şêwirkirinê, kîjan ku bêpere ne.
BONA COTÊN ZEWICÎ: Rêza gotara bi navê “Alîkarî bona Malbetê” dikare alî jin-mêra bike wekî . . .
bi dil û can guh bidine hev
timê tevî hev xeber din
şera nekin
(Lêgerînêda bigere “Alîkarî bona Malbetê” ser jw.org)
BONA DÊ-BAVA: Rêza gotara bi navê “Alîkarî bona Malbetê” dikare alî dê-bava bike, ku zarên xwe hîn kin wekî . . .
guhdar bin
şixulên malêda alîkariyê bidin
bêjin “lava dikim” û “zef razî me”
(Lêgerînêda bigere “Şîretkirina Zara” û “Şîretkirina Cahila” ser jw.org)
Binihêrin elametiya zêde bi navê “Pirsên Dê-Bava”, kitêba Pirsên Cahila û Şîretên Kêrhatî, Para 1. (Lêgerînêda bigere “Pirsên Dê-Bava” ser jw.org)
BONA CAHILA: Vê parêda bi navê Cahil ser jw.org hene gotar, vîdêo û dersên bi nexşa yên ku dikarin alî kesên cahil bikin wekî . . .
ziman dê-bavê xwera û xûşk-birên xwera bivînin
bi qedir tevî dê-bavê xwe xeber din gava ewana sînora datînin
dê-bavê wan îtbariya xwe wan bînin
(Lêgerînêda bigere “Cahil” ser jw.org)
Xebitandina malpera jw.org bêpere ye. Seva ku vê malperê bidine xebatê pere nelazime, usa jî nelazime xwe ser vê malperê binivîsin û înformasiya xweye şexsî bidin.