DERS 18

Guhdarên Xwe Hilde Hesab

(1 Korintî 9:19-23)

FIKIRÊN SEREKE: Guhdarên xwe hêlan ke, wekî ewana wedê têma te bifikirin, û texmîn kin, ku tiştekî kêrhatî seva xwe pêdihesin.

Şêwir ke ew tiştên ku guhdarên te îda zanin. Dewsa ku tenê biwekilînî tiştên ku guhdarên te îda pêşda bihîstine, alî wan bike wekî ser têma te bi nihêrandina teze binihêrin.

Fikirên ku rind nas in zû xilaz ke, lê yên teze hêdî-hêdî şiroveke.
Lêkolîn ke û bifikire. Hergê dibe, tu dikarî nava têma xweda tişt û qewimandinên usa bêjî, çi ku rind nas nînin, seva ku fikirên sereke zelal kî. Kûr bifikire, hela têma te, çawa girêdayî ye tevî wan îzbatkirina, ku tu dixwazî bêjî yan biwekilînî.

Çaxê tu bona têma xwe lêkolîna dikî, bifikire û pirsên usa bide xwe ça, “çi, çima, çi çax, kîderê, kî û çawa”. Hergê tu hine pirsên usa û cabên wan pirsa nava temamiya têma xweda pêşda bînî, bi vê yekê hînkirina te wê kêrhatî be.
Nîşan ke, ku kara têma te çida ne. Şiroweke, wekî çawa fikirên ji Kitêba Pîroz dikarin jîyîna her rojîda alî guhdarên te bikin. Şêwir ke derheqa hine derece, nihêrandin û kirên usa, kîjan ku bona guhdarên te ferz in.