XEBERDANÊ DESTPÊKIN
DERSA 6
Mêrxas bin
Prînsîp: “Me bi qewata Xwedê xwe dîsa turuş kir, nava wê miqabiliya giranda Mizgîniya Xwedê wera bêjin” (1 Têsln. 2:2).
Mesela Îsa
1. Binihêrin VÎDÊO, yan jî bixûnin Lûqa 19:1-7. Paşê van pirsa şêwir kin:
Çira dibeke hine meriva xwe ji Zexayo dûr digirtin?
Çi Îsa hêlan kir şedetiyê bide Zexayo?
Em ji Îsa Çi Hîn Dibin?
2. Em gerekê mêrxas bin, seva ku her kesîra derheqa Padşatiya Xwedê gilî kin.
Çev Bidine Îsa
3. Gumana xwe bidine ser Yehowa. Ruhê Pîroz qewat dida Îsa ku Mizgîniyê bela ke, û ew dikare we jî qewî ke (Met. 10:19, 20; Lûqa 4:18). Yehowara bona mêrxasiyê dua kin, seva ku bikaribin şedetiyê bidine wan meriva jî, tevî kîjana ku hûn ditirsin xeber din (Kar. Şand. 4:29).
4. Pêşda derheqa meriva xirab nefikirin. Em dikarin xwe dûrî hine meriva bigirin ji bo reng-rûyê wan, halê wane matêrîalî, cûrê jîyîna wan, yan jî ji bo rêlîgiya wan. Lê bîr nekin:
Yehowa û Îsa dila divînin, lê em nikarin.
Yehowa rem e û mecalê dide her kesî ku bêne guhastinê.
5. Mêrxas bin, lê usa jî merîfet û fesal bin (Met. 10:16). Merivara nekevine dewê. Gava hûn divînin ku meriv naxwaze guh bide Mizgîniyê, yan jî gava hûn têderdixin ku tiştekî nebaş dikare biqewime, bi merîfetî xeberdana xwe xilaz kin (Metlk. 17:14).