Çawa Tu Dikarî Razîbûna Xwe Hindava Pêşkêşa Mexsûs Bidî Kifşê?

ÇAXÊ kesek pêşkêşeke mexsûs dide te, ev yek gerekê te hêlan ke razîbûna xwe bidî kifşê. Îsa ev yek rind nîşan kir bi mesela dehe meriva, yên ku bi nexweşîke giran nexweş bûn û karibûn qenc bin. Ji wan meriva tenê yek “paşda vegeriya, bi dengekî bilind şikirî dida Xwedê”. Îsa got: “Ne her deh hatine paqijkirin? Ka her nehên din li ku derê ne?” (Lûqa 17:12-17). Ji vê meselê çi tê kifşê? Em ça zû bîr dikin qenciya ku bona me dikin!

Kirîn nikare beramberî pêşkêşên din be. Ev pêşkêşeke lape mezin û qîmet e, ku nava terîxiya însanetêda hatiye dayînê. Lê tu ça xwe didî kifşê hindava tiştê qîmet, ku Xwedê seva halxweşiya te kiriye?

• Pêbihese derheqa Kesê ku pêşkêş daye te. Bi xwe kirîn nikare jîyîna heta-hetayê bide hemû meriya. Îsa bi dua Xwedêra got: “Ev e jîyîna heta-hetayê, wekî ew te nas kin, çawa Xwedêyê rastî bêşirîkî-bêheval û usa jî Îsa Mesîhê ku te şandiye” (Yûhenna 17:3). Hergê tera bigotana ku biçûktaya teda merivekî tu ji mirinê xilaz kirî, hemikî teyê bixwesta derheqa wî hê zêde pêbihesiyayî û usa jî ku çima ewî tu xilaz kirî. Yehowa Xwedê pêşkêşa kirînê daye me, yê ku jîyîna me xilaz dike. Û ew dixwaze wekî tu ne ku tenê derheqa wî bizanibî, lê usa jî nêzîkî wî bî. Kitêba Pîroz dibêje: “Xwe li Xwedê bigirin, Xwedê jî wê xwe li we bigire” (Aqûb 4:8).

• 

  Baweriya xwe kirînê bîne. “Ewê ku Kur bawer dike, jîyîna wîye heta-hetayê heye” (Yûhenna 3:36). Çi tê hesabê baweriya xwe kirînê bînin? Ev tê hesabê bi kirên xwe bidine kifşê ku baweriya me heye (Aqûb 2:17). Bi çi kira? Pêşkêş tenê hingê dibe ya te, çaxê tu evê hildidî û qebûl dikî. Dêmek kirînê jî gerekê qebûl kin û ça bêjî hildin. Çi cûreyî? Pêbihese ku li gora qirara Xwedê tu çawa gerekê bijîyî, û paşê li gora vê yekê xwe kifş ke.a Xwedêra dua bike ku te bibaxşîne û îsafa temiz bide te. Tu gerekê bawer bikî ku bi saya kirînê emê jîyîna heta-hetayê bistînin û bijîn edilayêda, bêxofiyêda û lezetê bivînin. Ew hemû tişt wê bistînin merivên ku baweriya xwe kirînê tînin! (Îbranî 11:1).

• 

  Hazir be li ser Êvara Bîranîna mirina Îsa. Îsa ev qewimandina hersalî kifş kir, seva ku em bikine bîra xwe pêşkêşa qîmet dêmek kirîn. Derheqa derbazkirina vê qewimandinê Îsa got: “Vê yekê bona bîranîna min bikin” (Lûqa 22:19). Şedên Yehowa wê mirina Îsa bînin bîra xwe li roja Sêşemê, 11 Nîsanê sala 2017, çaxê ro here ava. Ev bernama wê sihetekê bikişîne, û li wir wê bê şirowekirinê wekî qurbanbûna Îsa çi cûreyî dikare mera niha kar be û li axiriyêda jî kerema bîne. Sala par, weke 20 mîlyon meriv nav temamiya dinyayê li ser Êvara Bîranînê civya bûn. Em bi dil û can we teglîf dikin seva ku bi vê yekê razîbûna xwe hindava pêşkêşa Xwedêyê pir mezin bidine kifşê.