Hîn be wekî di Qulixkirinêda Hê Cêribandî bî; Ça Caba Xweyê Malê Bidin, yê ku Hêrs e
Ev yek Çira Ferz e: Gelek meriv, rastî kîjana ku em îro tên, merîfet in. Xêncî wê yekê Îsa pêxembertî kir, wekî hine meriv jî wê me nefret kin (Yûhn. 17:14). Hergê em rastî xweyê malê hatin, yê ku hêrs e, ev yek gerekê me ecêbmayî neke. Çaxê tiştêd vî cûreyî diqewimin, em dixwazin usa caba xweyê malê bidin, wekî wî xwaş bê (Rom. 12:17-21; 1 Pet. 3:15). Hergê em usa bikin, ewê alî me bike wekî nekevine derecêd çetin. Bi wê yekê emê şedetiyê bidine xweyê malê û merivêd dor-ber, wekî ewana cara mayîn hazir bin guh bidine Şedêd Yahowa (2 Korn. 6:3).
Çawa Bikin:
• Xwe bi hevalhizî û nerm bide kifşê. Ewê alî te bike, wekî derecê fem bikî. Hesab neke, ku rêaksiya xwayê malê, şexsî te dikeve (Waîz 7:9). Dibeke ew hêrs e ji bo problêmêd xwe, yan jî dibeke tu ne wedekî baş hatî. Usa jî diqewime ew xelifî ye, lema ji bo giliyê te hêrs dikeve (2 Korn. 4:4).
• Bi nermî û milûktî caba xwe bide (Metlk. 15:1). Dibeke te wî ji xewê rakir, yan ji şixul qetand? Rast e em seva şixulê dannasînkirina xwe, baxşandinê naxwazin, lê em dikarin bi milûktî baxşandinê bixwazin, wekî em ne wedekî baş hatin. Dibeke ew hêrs e ji bo gilî-gotinêd nerast, yêd ku derheqa me bela dikin? Hergê usa ne, tu dikarî bêjî: “Ez fem dikim çira ev yek we eciz dike. Ez dikarim wera şirovekim?” Dibeke meriv hînkirineke me qebûl nake, mesele derheqa derxistina ji civatê yan xûnê? Tu dikarî bêjî: “Ez fem dikim. Yêd dinêna jî, ev yek xweş nedihat. Ez dikarim ji Kitêba Pîroz hîmê vê hînkirnê wera nîşan kim?”
• Hergê meriv gelek hêrs e, wê baş be wekî wî bihêlin herin û caba wî nedin. Hergê ew dibêje wekî Şedêd Yahowa bira îda neyîne cem wî, tu dikarî lê guman kî ku xwestina wî, wê hildin hesab.
Evê Yekê Vê Mehêda Bide Xebatê:
• Wedê qulixkirina xweye tevî malbetê, xwe seva wê yekê hazir ke.
• Paşê, çaxê tu ji xweyê malê derdikevî diçî, dikarî tevî heval-xizmetkarê xwe şêwir bikî, wekî çawa te dikaribû caba xwe hê baş bida.